Витамини и минерали

Ивана Димишкова
д-р по дентална медицина

|



На сите ни е добро познато дека витамините и минералите се многу важни за подобрување на здравјето и одржување добар баланс во организмот кај возрасните. Повеќето луѓе мислат дека со добра исхрана внесуваат доволно количество од сите витамини и минерали кои му се потребни на организмот. Но, сепак, храната која ја јадеме е толку процесирана што прави да внесеме само одредено, редуцирано количество на витамини и минерали. Модерниот начин на живот, брзото темпо на живот и социо-економскиот стрес ги исцрпуваат залихите на одредени витамини и минерали, затоа најдобриот совет е да земете витамини и минерали преку додатоци на исхраната.

Но, дали знаете што, всушност, претставуваат витамините, а што минералите?

• Витамините се комплексни соединенија кои вашето тело не може да ги произведе само, па мора да ги обезбедите преку храна и додатоци на исхрана.


• Минералите се од суштинско значење за градење ензими, хормони, хемоглобин, а преку нив влијаат во речиси сите делови на човечкото тело.

Благодарение на напредната медицина, луѓето можат да очекуваат подолг и, пред сè, поквалитетен живот. Витамините и минералите се наоѓаат во широк асортиман во аптеките во вид на капсули, таблети, шумливи таблети, прашоци за растворање.

• Витамин Ц – незаменлив е во процесот на регенерација на ткивата, крвните клетки, коските и забите. Витаминот Ц ја зголемува фагоцитната моќ на фагоцитите кои помагаат во полесна борба против инфекции и настинки. Специјалната заштитна функција на витаминот Ц е неговиот ефект на антиоксидант. Доколку сте пушач, вашето тело го користи овој витамин за неутрализација на штетните материи кои ги содржи чадот од цигарите.


• Витамин Б2 – витамин кој ни е познат како рибофлавин е значаен витамин кој има улога на антиоксидант во организмот. Важен е за одржување на здравјето на крвните клетки, ја зголемува енергијата, помага за здрав метаболизам, го подобрува изгледот на кожата и здравјето на очите.


• Витамин Б6 – витамин кој е растворлив во вода. Тоа значи дека нашето тело не може да го складира долго време и треба постојано да се внесува преку исхрана. Поважна улога на овој витамин е тоа што му помага на имунолошкиот систем да произведува антитела, кои му се потребни на организмот во борба со болестите.


• Витамин Д – особено важен за коските. Тој помага за полесно апсорбирање на калциумот. Денес е познато дека витаминот Д помага во заштита и лекување на многубројни заболувања.


• Калциум – важен минерал затоа што има клучна улога во здравјето на коските. Тој помага уште и за одржување на здравјето на срцето, мускулите, нервите и забите.


• Калиум – има важна улога во телесните процеси, како што се функциите на нервите и мускулите и одржувањето на рамнотежа на течностите.


• Магнезиум – е еден од основните елементи неопходни за правилно функционирање на организмот на човекот. Зголемената физичка активност може да предизвика недостиг на магнезиум во телото, затоа спортистите имаат зголемени потреби од овој важен минерал. Игра важна улога во работата на кардиоваскуларниот систем, нервниот систем, мускулите, бубрезите, жлездите што лачат хормони и мозокот.


• Цинк – важен минерал кој учествува во многу процеси во организмот. Организмот се справува полесно со настинките и грипот кога има доволно цинк, затоа што цинкот помага за зајакнување на имунолошкиот систем. Освен тоа цинкот помага и за одржување на добар изглед на кожата.

Грижата за сопственото здравје е наша одговорност и најголем благодет. Затоа со внес на правилните витамини и минерали ќе влијаеме на подобрување и избегнување на понатамошно соочување со посериозни последици.

За детално читање на овој текст, погледнете на 8 стр. во електронското издание на BETTY магазин (АВГУСТ 2021).