Голем дел од луѓето сè уште го паметат својот првиот училиштен ден. Родителите со чувство кое е измешано од возбуда, среќа и загриженост најчесто се соочуваат со предизвикот за адаптација на децата во неколку фази. Несомнено, децата со искуство во градинка полесно ќе ги надминат сите овие фази. Во спротивно, периодот на адаптација за „започнување на училиште“ може да биде подолг за децата кои не добиле предучилишно образование.
Бидете трпеливи и не занемарувајте ги подготовките за првиот училиштен ден на вашето прваче.
Подгответе се: разговарајте и доколку сте во можност, посетете го училиштето пред првиот училиштен ден.
Уверете го дека го очекуваат возбудливи и убави денови исполнети со корисни информации.
Првиот училиштен ден внимавајте и вие да изгледате смирено. Најчесто децата успеваат да ги уловат чувствата како страв или, пак, стрес. Опуштете се и уживајте во тие убави мигови.
Објаснете му дека ќе го земете после училиште или, пак, дека ќе го чекате дома за да ви раскаже како му поминал денот. Чувството на сигурност ќе влијае позитивно на вашето дете.
Не збогувајте се предолго. Не создавајте ситуација во која вашата разделба ќе го има главниот акцент.
Доколку е потребно, може да го запознаете со некои од неговите соученици.
Кога ќе дојде дома, разговарајте за неговите искуства на училиште. Дозволете му да ви каже што се случувало. Ова е најдобриот начин да го зајакнете интересот на вашето дете за училишниот живот и помага да се развие ентузијазмот и желбата да се научи за училиштето. Сепак, имајте на ум дека после училиште може да биде многу уморно, и физички и емоционално, и можеби нема да сака веднаш да ви ги каже сите детали.
За детално читање на овој текст, погледнете на 26 стр. во електронското издание на BETTY магазин (СЕПТЕМВРИ 2021).
ДИЕТАЛЕН КАЛКУЛАТОР
Со помош на долниот калкулатор можете на брз и едноставен начин да ги испланирате вашите дневни оброци
.svg){kind=icon}