Edhe nje hap… – Ecja luan një rol të madh në shëndetin tuaj dhe ndikon pozitivisht në shumë pjesë të trupit

|



Ecja luan një rol të madh në shëndetin tuaj dhe ndikon pozitivisht në shumë pjesë të trupit.

Edhe një shëtitje e shkurtër është më e mirë se qëndrimi ulur.

Ekspertët thonë: "Qoftë edhe 30 minuta ecje çdo ditë është jashtëzakonisht e dobishme për trupin e njeriut. Organizata Botërore e Shëndetësisë rekomandon që të rriturit të ecin të paktën 2.5 orë në javë."

Ja vetëm disa prej përfitimeve nga ecja e rregullt:

• Ecja e bën zemrën më të fortë, duke e nxitur të pompojë më shumë gjak dhe të rregullojë qarkullimin.


• Forcon kockat tuaja dhe zvogëlon mundësinë e zhvillimit të osteoporozës në moshën e vjetër.


• Ul nivelet e kolesterolit në gjak.


• Ul presionin e lartë të gjakut.


• Ecja ul hormonet e stresit, si adrenalina dhe kortizoli.


• Shpejton metabolizmin tuaj.


• Ecja e shpejtë dhe vrapimi i lehtë kanë një efekt pozitiv në mushkëri dhe ju mundësojnë të merrni frymë më mirë.


• Rrit rezistencën e trupit ndaj sëmundjeve infektive, si ftohjet.


• Ecja rrit nivelin e serotoninës dhe endorfinës në trup, gjë që ju bën të ndiheni më të lumtur.


• Meqenëse rregullon në mënyrë natyrale nivelet e insulinës, ecja ju jep një ndjenjë të ngopjes.


• Ecja e shpeshtë do t'ju bëjë të flini më mirë dhe do të përmirësojë cilësinë e gjumit tuaj.


• Ecja ndikon që të keni lëkurë më të bukur dhe më të shëndetshme.


• Për shkak se ecja e rregullt çliron kimikate natyrore që lehtësojnë dhimbjen, migrena ose dhimbja e kokës do të zvogëlohen.


• Me ndihmën e ecjes mund të kontrolloni më lehtë peshën e trupit.


• Ky aktivitet ju mundëson të mbani nën kontroll peshën tuaj. Për shembull: nëse peshoni 70 kg dhe praktikoni ecje të shpejtë për gjysmë ore, do të digjni afërsisht 150 kalori. Me fjalë të tjera, me ecje të rregullt, mund të humbni deri në 3 kilogramë në muaj.


• Meqenëse ecja ka një efekt pozitiv në aftësitë tuaja njohëse, ajo gjithashtu ju mbron nga sëmundje të tilla si demenca, depresioni ose Alzheimer.


• Vrapimi i lehtë rrit numrin e qelizave të kuqe të gjakut dhe i bën enët e gjakut më elastike.


• Mëlçia juaj largon lehtësisht lëndët toksike nga trupi.

Ecja e rregullt vonon plakjen dhe zgjat jetën. Hulumtimet kanë treguar se njerëzit që ecin 20-25 kilometra në javë jetojnë më gjatë se ata që nuk ecin aspak.

Sidoqoftë, nëse keni zgjedhur ecjen si një mënyrë për të humbur peshë, duhet t'i kushtoni vëmendje edhe asaj që hani dhe të kontrolloni sasinë e kalorive që merrni gjatë këtij procesi.

Mënyra se si ecni është e rëndësishme

Kur ecni, duhet t'i kushtoni vëmendje qëndrimit të trupit. Duhet të ecni drejt, pa u anuar prapa ose përpara, sepse vetëm në këtë mënyrë do të siguroheni që çdo pjesë e trupit tuaj është aktive në masë të barabartë. Pozicioni i duarve është po ashtu i rëndësishëm, sepse ato rrisin forcën tuaj dhe ekuilibrojnë lëvizjen e shputave kur ecni, ndërsa lëvizja e krahëve ju lejon të digjni 5-10 kalori shtesë. Duart nuk duhet të shtrëngohen asnjëherë në formë të grushtit, gjë që pengon rrjedhjen e rregullt të gjakut në trup.

Për lexim të hollësishëm të këtij teksti, shihni f.4 të botimit elektronik të revistës BETTY (TETOR 2020).