Farmacistët
Kontakti

<< Prapa

Risitë e Viktoria Lobas në jetën e saj private dhe profesionale

December 1, 2022



Betty: Si arrini të jeni gjithmonë në formë dhe gjithmonë e bukur, pothuajse nuk keni ndryshuar që nga fillimi i paraqitjes suaj në estradë?!
Viktoria: Faleminderit për këtë kompliment! Gjithçka ka të bëjë me zakonet dhe në rastin tim zakonet e shëndetshme që kam fituar ndër vite. Më duhet të pranoj se tani jam shumë më e informuar për ushqimin e shëndetshëm në krahasim me dhjetë vjet më parë. Dhe trupi im në një farë mënyre zgjedh në mënyrë intuitive çfarë i përshtatet dhe çfarë jo në ushqim, kështu që ndalova së ngrëni mish për 5-6 vjet dhe ndjej vërtet një ndryshim pozitiv. Një arsye tjetër që, për mendimin tim, kontribuon në një pamje të bukur dhe të shëndetshme janë emocionet e mira dhe, natyrisht, humori.

Betty: A ishit e kënaqur me performancën në Makfest dhe me cilën këngë performuat?
Viktoria: Po, jam shumë e kënaqur. Kam interpretuar me këngën e re “Vetëm për ne”, muzika është e Ana Pandevskas, ndërsa teksti është shkruar nga unë. "Vetëm për ne" është fjalë për fjalë një këngë që përshkruan gjendjen time aktuale, një këngë për gëzimin, dashurinë, të qënit një!

Betty: Si është të jesh e martuar, a ke ndonjë ndryshim?
Viktoria: Kjo pyetje më bëhet mjaft shpesh. Ka një ndryshim dhe është një ndryshim i bukur që na afron edhe më shumë, edhe pse asgjë në veçanti nuk ka ndryshuar, por pas momenteve kaq të bukura si dasma, zemra zbutet. Në martesë, tashmë keni një qëllim apo rrugë të përbashkët, do të thosha, dhe kjo është ajo që bën diferencën.

Betty: Ku ju pëlqen të udhëtoni më shpesh?
Viktoria: Më pëlqen të udhëtoj në çdo kohë të lirë, ndaj mundohem t'i organizoj obligimet e mia që të kem hapësirë të shkoj të paktën deri në Ohër dhe të shijoj pamjen e liqenit. Udhëtimi më mbush me eksperienca të reja të bukura dhe unë dhe Gjorgji jemi vërtet aventurierë në këtë drejtim.

Betty: A keni një album të ri në plan?
Viktoria: Po vijnë këngë të reja dhe sigurisht edhe një album, por unë po përqendrohem te këngët si projekt më vete dhe dua t'i kushtoj vëmendjen e duhur secilës prej tyre. Albumi vjen natyrshëm.

Betty: Si kujdeseni për shëndetin tuaj dhe a merrni suplemente të caktuara?
Viktoria: Marr suplemente sipas nevojës. E kam zakon që të bëj një analizë gjaku dhe të konsultohem me një mjek ose nutricionist nëse më mungon diçka. Zakonisht nuk kam nevojë të veçantë për suplemente të caktuara. Herë pas here praktikoj konsumimin e vitaminës B12 sepse nuk ha mish dhe kjo është e rekomandueshme, po ashtu e dua kolagjenin i cili përmirëson cilësinë e lëkurës sime. Dhe gjithçka tjetër mund të merret përmes ushqimit cilësor dhe konsumimit të të ashtuquajturave "super ushqime" si farat chia, arrat braziliane, farat e lirit, vaj kokosi e të ngjashme.

Për lexim të hollësishëm të këtij teksti, shihni f.10-12 të botimit elektronik të revistës BETTY (DHJETOR 2022).

KALKULATORI DIETIK

Me ndihmën e kalkulatorit të mëposhtëm mund të planifikoni vaktet e përditshme në mënyrë të shpejtë dhe të thjeshtë.

Zbuloni më shumë >>

HOROSKOPI MUJOR

Zbuloni horoskopin për muajin aktual.

Zbuloni më shumë >>