Фармацевти
Контакт

<< Назад

Вежбајте додека седите

октомври 28, 2015

[vc_column width="1/1"]

Затегнете го задникот пред ТВ-екранот

Игор Тица

Вежбите со седење за време на работното време или за време на одмор пред ТВ-екранот сами по себе не се доволни, но секако помагаат да се намали напнатоста во телото, да се подобри циркулацијата и кондицијата

Факт е дека голем број луѓе многу часови во денот седат, како на работа така и во превозот или дома пред ТВ-екран или пред компјутер. Целодневното седење не е добро за телото, но модерното темпо и начин на живот го наметнаа. Ајде да видиме што во оваа положба можеме да направиме за нашето тело. За почеток, треба правилно да се седи, со исправен грб, рамената зафрлени наназад. Секој половина час задолжително тргнете го погледот од екранот. Не заборавајте одвреме-навреме да станете и да прошетате, тоа е важно за циркулацијата. Исто така, секогаш имајте шише со вода покрај себе и повремено пијте, ќе бидете многу посвежи и ќе имате сила.

Вежби за вратот: Движете ја главата полека напред-назад секој час, па лево-десно по шест пати секое движење. Така ќе го намалите притисокот и ќе ја ублажите напнатоста.

Размрдување на рамената: Свиткајте ги рацете во лактот и ставете ги шаките на рамената и направете серија од кружни движења 10 пати. Пуштете ги рацете покрај телото, потоа помрднувајте ги рамената напред-назад околу 10 пати, па вртете ги го круг истовремено 10 пати, а потоа секое рамо вртете го наизменично уште 10 пати.

Вежби за зглобови: Вртете ги зглобовите на секој час 10 пати во насока на стрелките на часовникот и 10 пати во спротивна насока. Така ќе го спречите синдромот на карпален тунел ако поминувате доста време куцајќи на тастатура.

Вежба за стомачни мускули: Седете со исправен грб и подигнете ги колената во височина. Држете ги неколку секунди, па спуштете ги. Повторете 15 пати.

Вежби за стапала и зглобови: Седете право, а стапалата вртете ги во насока на стрелките на часовникот, прво едното, па другото, 12 пати. Потоа вртете ги во спротивна насока.

Истегнување на нозете: Додека седите на стол, подигнете го долниот дел на нозете од подот во висина на колковите, па исправете ги во коленото додека не почувствувате контракција на мускулите. Повторувајте онолку пати колку што можете.

Затегнување на задникот: Обликувајте го овој дел од телото така што ќе ги стегнете глутеалните мускули, избројте до 20 и потоа пуштете. Повторете 15 пати. Целта да ви биде да достигнете затегнување од 60 секунди, со пауза за следното затегнување која нема да е подолга од 5 секунди. Со затегнување на глутеалните мускули истовремено се јакнат и мускулите на карличниот појас.

ДИЕТАЛЕН КАЛКУЛАТОР

Со помош на долниот калкулатор можете на брз и едноставен начин да ги испланирате вашите дневни оброци

Дознај повеќе >>

МЕСЕЧЕН ХОРОСКОП

Дознајте го хороскопот за тековниот месец.

Дознај повеќе >>