Magnezi si suplement dietik

Dr. Emir Quamili
Specialist i mjekësisë së
prëgjithshme dhe familjare
IPSH VITAKSIJA Tetove

|



Magnezi është një mineral i rëndësishëm që i nevojitet trupit për kryerjen normale të të gjitha aktiviteteve.

Magnezi është një nga shtatë makromineralet thelbësore ose mineralet që duhen konsumuar çdo ditë, në sasi relativisht të larta. Kjo do të thotë se është i nevojshëm për jetën dhe funksionimin normal të trupit, por edhe që duhet ta marrim çdo ditë për të ruajtur dhe përmirësuar shëndetin tonë.

Magnezi është mineral që është i pranishëm pothuajse kudo në natyrë. Zakonisht gjendet në kombinim me komponime të ndryshme kimike, veçanërisht me kalciumin. Sot, ekspertët po paralajmërojnë gjithnjë e më shumë për faktin se jeta pa magnez nuk do të ishte e mundur.

Trupi ynë zakonisht përmban rreth 24 deri në 30 gram magnez. Rreth 60 përqind e magnezit gjendet në kocka, 35 përqind në skelet dhe muskul të zemrës, kurse pjesa tjetër është në mëlçi, veshka dhe tru, por edhe në eritrocite. Baraspesha e magnezit në trup vendoset nga zorrët dhe veshkat.

Magnezi përthithet në zorrën e hollë, edhe atë deri në 50 përqind. Përthithet përmes zorrëve dhe më pas transportohet nga gjaku në qeliza dhe organe, ku depozitohet.

Në përthithjen e tij ndikojnë fibrat, yndyrnat, acidi oksalik, kaliumi, hekuri, fosfori dhe mangani. Ato e zvogëlojnë përthithjen e tij, ndërsa vitamina D e rrit atë.

Roli i magnezit në trupin e njeriut

Qelizat e trupit të njeriut shkatërrohen nëse nuk sigurohet një sasi e mjaftueshme magnezi. Pa dyshim, magnezi është shumë i rëndësishëm për trupin, sepse ndikon në aktivitetin e më shumë se 300 sistemeve enzimatike, sintezën e proteinave, sintezën e acidit nukleik dhe është i përfshirë në pothuajse të gjitha proceset në trupin tonë. Është i rëndësishëm për stimulimin e transmetimit neuromuskulor, mineralizimin e kockave dhe aktivitetin e hormoneve paratiroide. Merr pjesë në krijimin e energjisë, në procesin e koagulimit dhe në transferimin e glukozës në qeliza. Ai gjithashtu merr pjesë në aktivizimin e enzimave të nevojshme për replikimin dhe riparimin e ADN-së.

Nevojitet për të kthyer ushqimin në energji, për dhëmbë dhe kocka të shëndetshme, për funksionimin e duhur të zemrës, për mbrojtjen e enëve të gjakut dhe për të vepruar në mënyrë parandaluese kundër presionit të lartë të gjakut. Është shumë i rëndësishëm për relaksimin e muskujve dhe gjumë të mirë, si dhe parandalon probleme të tilla si lodhja kronike, dhimbja e kokës dhe migrena.

Muskuli më i rëndësishëm, funksioni i të cilit varet nga marrja e magnezit, është zemra. Gjithnjë e më shumë po studiohet lidhja mes mungesës së magnezit dhe punës së parregullt dhe problemeve të zemrës, zhvillimit të angina pectoris dhe shumë gjendjeve të tjera. Gratë përfitojnë shumë nga marrja e rregullt e magnezit sepse ua mbron kockat nga osteoporoza. Shumë gra pohojnë se kanë humbur një pjesë të peshës së tyre pasi kanë rritur nivelet e magnezit. Përveç kësaj, ato ndiheshin më energjike dhe më pak depresive. Magnezi është po aq efektiv edhe te meshkujt, veçanërisht në problemet e prostatës. Përveçse ndihmon në parandalimin e infeksioneve dhe përmirësimin e shëndetit të përgjithshëm, magnezi ka edhe aftësi të mrekullueshme ripërtëritëse.

A marrim mjaftueshëm magnez në dietën tonë?

Për fat të keq, përgjigja është jo. Për shkak të industrializimit gjatë 100 viteve të fundit, si dhe përdorimit të gjerë të pesticideve dhe plehut me bazë fosfati, magnezi është gjithnjë e më pak i pranishëm në tokë dhe rrjedhimisht, në bimët që janë burimi kryesor i tij. Është vlerësuar se më shumë se 60% e popullsisë ka pak a shumë mungesë të këtij minerali.

Përveç kësaj, edhe mënyra e përgatitjes ka ndikim të madh në sasinë e magnezit në ushqim. Shumë produkte të trajtuara me nxehtësi dhe të ngrira janë më të varfra me këtë mineral të rëndësishëm, se produktet e freskëta dhe të përgatitura siç duhet.

Burimet më të mira të magnezit?

Perimet me gjethe jeshile, drithërat (integrale), bishtajoret, farat, arrat dhe frutat. Burimet më të pasura janë farat e kungullit, bajamet, lajthitë, kakaoja, tërshëra, liri, luledielli, çia, arrat e Brazilit, susami, kikirikët, arrat, orizi kafe, soja, thjerrëzat, spinaqi, domatet, rrushi i thatë, kumbullat, avokadot, bananet, patatet dhe peshku (ton).

Doza e rekomanduar ditore apo nevojat ditore të trupit për magnez?

Rekomandimet për marrjen e këtij minerali janë 300-400 mg në ditë.

Mungesa e magnezit?

Kur nuk kemi magnez të mjaftueshëm në trup, simptomat e para janë ankthi, sindroma e shqetësimit të këmbëve dhe ngërçet, pagjumësia dhe problemet me gjumin, lodhja dhe lodhja kronike, madje edhe një ritëm i çrregullt i zemrës dhe presioni i ulët i gjakut.

Mungesa e magnezit në trup mund të plotësohet më së miri duke marrë suplemente që përmbajnë magnez. Magnetrans është një suplement dietik që përmban 375 mg magnez, me çka i plotëson plotësisht nevojat ditore për magnez, sipas rregulloreve të informacionit mbi ushqimin. Përparësitë e Magnetrans janë: përdorimi i drejtpërdrejtë pa tretje me lëngje, tretet shpejt në gojë, është pa sheqer dhe është me shije limoni dhe grejpfruti.

Marrja e suplementeve të magnezit është veçanërisht e rëndësishme në gjendjet kur marrja ditore e magnezit është e domosdoshme, si për shembull aktiviteti fizik i rregullt dhe më i rëndë (plotësimi para gjumit ose gjatë stërvitjes), alkoolizmi, përdorimi i disa medikamenteve (tetraciklinë, antibiotikë kinolonë, diuretikë, inhibitorë të pompës së protonit), pacientët me sëmundje gastrointestinale, pacientët me diabet të tipit 2, të moshuarit, gratë shtatzëna, fëmijët në zhvillim dhe personat nën stres të vazhdueshëm.

Në këto gjendje, përveç ushqimeve të pasura me magnez, është e nevojshme marrja e suplementeve të magnezit për ta balancuar këtë mineral.

Këshillë shtesë: suplementet dietike nuk janë zëvendësuese për një dietë të ekuilibruar. Është e rëndësishme t'i përmbaheni një diete të larmishme dhe një stili jetese të shëndetshëm.

Mos ngurroni të konsultoheni me mjekun tuaj sa herë që është e nevojshme për konsumimin e drejtë të suplementeve dietike, dozën dhe kohëzgjatjen e terapisë.

Për lexim të hollësishëm të këtij teksti, shihni f.14-15 të botimit elektronik të revistës BETTY (JANAR 2022).