Ushqimi më i përshtatshëm për zvogëlimin dhe parandalimin e celulitit

Kristina Gjorgjeva
Dipl. Farmacist
Barnatore Vivalek, Shkup

|

• Fara e lirit - ushqim i shkëlqyeshëm për shëndetin e lëkurës dhe humbje në peshë. Fara e lirit ndihmon gjithashtu për të normalizuar estrogjenin dhe për të përmirësuar prodhimin e kolagjenit.


• Ushqimet që ndihmojnë për hidratim - dehidratimi mund të çojë në lëkurë të thatë dhe të brishtë, prandaj përpiquni të hani më shumë ushqime të freskëta që janë të pasura me ujë, veçanërisht shalqi, pjepër, manaferra, tranguj, selino, agrume, perime me gjethe


• Ushqimet e pasura me fibra - ushqimet e freskëta (frutat dhe perimet), arrat, farat etj. Fibrat ndihmojnë në pastrimin e zorrës së trashë, na ngopin, ndihmojnë për një metabolizëm më të mirë dhe ekuilibër hormonal. Përveç kësaj, këto ushqime përmbajnë një numër përbërësish antioksidues që e mbrojnë lëkurën nga radikalet e lira, përkatësisht nga dëmtimi oksidativ (plakja).


• Ushqimet e shëndetshme me proteina - proteina nga arrat, bishtajoret, farat dhe peshku.


• Ushqimet e pasura me kalium - largojnë lëngjet e tepërta nga qelizat, duke ndihmuar në zvogëlimin e celulitit. Lexoni më shumë rreth rolit të kaliumit në trup këtu.


• Ushqimet e pasura me yndyrna të shëndetshme - acidet yndyrore janë gjithashtu të rëndësishme për shëndetin e lëkurës.


• Shmangni ujin e gazuar dhe konsumoni ujë të thjeshtë. Hani sa më shumë fruta që përmbajnë shumë lëngje, të tilla si shalqiri ose mangoja.


• Hudhra është një aleat i shkëlqyeshëm në luftën kundër celulitit, sepse përshpejton metabolizmin dhe zvogëlon depozitat e dhjamit, duke ndikuar kështu në zvogëlimin e celulitit.


• Shtoni xhenxhefilin në dietën tuaj. Ai do ta mënjanojë lëngun e tepërt që është grumbulluar në trupin tuaj. Për më tepër, xhenxhefili përmirëson qarkullimin e gjakut, që do të thotë më pak celulit. Rozmarina ka efekte të ngjashme me xhenxhefilin, prandaj pini çaj nga kjo bimë sa më shpesh të jetë e mundur.


• Ulni konsumin e të verdhës së vezës dhe jepini përparësi të bardhës së vezës, nëse doni më pak celulit. Por edhe nëse i hani, le të jetë vetëm për mëngjes, jo për darkë ose drekë.


• Në luftën kundër celulitit do t'ju ndihmojnë gjithashtu lakra jeshile dhe brokoli, të cilat janë të pasura me lëndë ushqyese që ndihmojnë në krijimin e kolagjenit dhe përthithjen më të mirë të kalciumit, të cilat janë vendimtare nëse dëshironi një trup pa celulit.

STRESI MUND TË ÇOJË NË CELULIT – E VËRTETË!

Megjithëse ndoshta ju tingëllon e çuditshme se si stresi mund të çojë në celulit, një studim nga Akademia Evropiane e Dermatologjisë jep të dhëna që tregojnë se celuliti mund të shkaktohet nga nivele të rritura të katekolaminave, për shkak të stresit ose për shkak të kortizolit të lartë.

Përveç kësaj, stresi i pakontrolluar çon në shtim në peshë, një faktor tjetër rreziku për celulitin, por edhe në prodhimin e zvogëluar të kolagjenit, proteinës thelbësore për shëndetin ose pamjen rinore të lëkurës.

NDIHMA NGA NATYRA NË LUFTËN KUNDËR KËTIJ ARMIKU 1 TË POPULLATËS FEMËRORE

KAFEJA

Është interesante se kafeja si pije duhet të shmanget, ndërsa si përbërës eksfoliant është i shkëlqyeshëm për heqjen e celulitit. Celuliti mund të zvogëlohet me ndihmën e llumit të kafesë, i cili vepron si piling, tonik dhe forcues i qarkullimit të gjakut për ato pjesë të trupit që preken nga shfaqja e lëvozhgës së portokallit.

Kafeina në llumin e kafesë konsiderohet nga shumë gra si një përbërës magjik që e zbut pamjen e celulitit, gjë me të cilën pajtohen edhe shkencëtarët. Sidoqoftë, mos prisni që celuliti të zhduket dhe të fitoni lëkurë të fortë me paketën e parë të kafesë së bluar. Sekreti i llumit të kafesë si trajtim për celulitin qëndron në përdorimin e tij të rregullt.

Shumica e kremrave kundër celulitit përdorin kafeinë për shkak të aftësisë së saj për të kontraktuar enët e gjakut, duke rezultuar në qarkullim më të mirë të gjakut dhe një ndryshim të dukshëm në pamjen e lëkurës. Uji nuk do të ruhet më si i tepërt, ndërsa funksioni i kullimit do t'i lirojë qelizat dhe do t'i zvogëlojë ato. Kafeina është gjithashtu e pasur me antioksidantë që stimulojnë detoksifikimin e organizmit, ndërsa rezultati është një lëkurë me shkëlqim, më e fortë dhe e lëmuar, e butë dhe elastike.

SI VEPRON TRAJTIMI I KAFESË KUNDËR CELULITIT

Duhet të mblidhni rreth një të katërtën ose gjysmë filxhani llumi të kafesë. Shtoni rreth dy lugë çaji vaj ulliri ekstra të virgjër dhe i përzieni të dy përbërësit. Nëse brumi nuk është i nxehtë pas përdorimit të fundit, ngroheni atë në mikrovalë për 10 sekonda.

Uluni në vaskë, merrni një sfungjer të vjetër për banjë dhe masazhoni llumin e kafesë dhe përzierjen e vajit me lëvizje rrethore mbi zonat e prekura apo edhe në tërë trupin. Kushtojuni më shumë kujdes kofshëve dhe vitheve. Lini sa më shumë papastërti në zonat e prekura. Përdorni mbështjellës plastik për ta mbështjellë përbërjen sa më fort të jetë e mundur rreth zonave të prekura nga celuliti. Pasi ta keni lejuar të veprojë për rreth 10 minuta, hiqeni mbështjellësin dhe shpëlajeni zonën me ujë të ngrohtë.

Krem me kafe dhe vaj kokosi

¼ filxhan kafe të bluar ose llum kafeje
3 lugë sheqer kristali
2-3 lugë vaj kokosi

I përziejmë mirë të gjithë përbërësit. Pilingu aplikohet me lëvizje të lehta masazhi në lëkurë të lagur. Pastaj mbulojeni lëkurën me mbështjellës plastik shtëpie dhe lërini përbërësit të veprojnë për gjysmë ore. Në fund shpëlajeni me ujë dhe vendosni locion hidratues.

Piling me kafe dhe vaj ulliri / vaj esencial

Disa nga vajrat esencialë më të mirë për zvogëlimin e celulitit janë vaji i grejpfrutit, portokallit dhe mandarinës. Kombinoni disa pika vaji sipas dëshirës suaj me llumin e kafesë ose kafe të bluar së fundmi. Shtoni vaj sa për të bërë një pastë të trashë.
Vendosni një shtresë në lëkurë dhe masazhoni për disa sekonda. Pastaj mbulojeni lëkurën me mbështjellës plastik dhe lërini përbërësit të veprojnë për 30 minuta.



UTHULLA E MOLLËS

Besohet se uthulla e mollës gjithashtu mund të ndihmojë në zbutjen e celulitit:

• Në një gotë me ujë shtoni 2 lugë çaji uthull molle (mundësisht uthull molle të egër). Nëse dëshironi, mund ta ëmbëlsoni me pak mjaltë. Konsumojeni këtë lëng një herë në ditë.


• Përzieni uthull molle dhe vaj ulliri në një raport prej 3:1. Masazhohuni me përzierjen për 7-10 minuta në ditë.

XHENXHEFILI

Xhenxhefili është një nga të paktat ushqime që përdoret shpesh për vetitë e tij shëruese, jo kulinare.

Në Greqinë e lashtë dhe Perandorinë Romake, xhenxhefili jo vetëm që konsiderohej si shërues sëmundjesh, por edhe si kundërhelm i shkëlqyeshëm.

Rrënja e kësaj bime ka efektet e mëposhtme në lëkurën e njeriut:

• për shkak të pranisë së rreth 40 antioksidantëve në përbërjen e saj, ajo neutralizon veprimin e radikaleve të lira dhe ndihmon në luftimin e plakjes së parakohshme;


• përmirëson proceset metabolike, aktivizon mënjanimin e toksinave, duke i dhënë lëkurës një pamje të shëndetshme;


• vajrat esencialë stimulojnë qarkullimin e gjakut, i cili ushqen lëkurën me oksigjen, lëndë ushqyese dhe rrit elasticitetin e saj;


• zvogëlon strijat dhe përmirëson elasticitetin e lëkurës;


• heq ujin e tepërt nga qelizat, forcon lëkurën dhe zbut pamjen e celulitit.

LUFTA KUNDËR CELULITIT ME XHENXHEFIL

Efekti anti-celulit i rrënjës është për shkak të përbërjes së saj, e cila kontribuon në ngrohjen e shpejtë, rritjen e qarkullimit të gjakut, përmirësimin e metabolizmit dhe tonifikimin e zonave problematike të trupit. Xhenxhefili përdoret për masazhimin dhe mbështjelljen e trupit.

MASAZHI ME XHENXHEFIL

Për masazh, 2-3 lugë pluhur xhenxhefili duhet të përzihen me vaj natyral bimor. Është më mirë të përdoret vaj ulliri ekstra i virgjër me shtrydhje të ftohtë. Më pas, përzierja aplikohet në zonat problematike, të cilat masazhohen butësisht për 7-10 minuta. Me masazh shumë aktiv ose të zgjatur, mund të shfaqet një ndjesi e fortë djegieje. Në këtë rast, shpëlajeni menjëherë produktin nga lëkura dhe lani duart mirë.

E rëndësishme: masazhi kryhet jo më shumë se 1 herë në javë!

MBËSHTJELLJA ME XHENXHEFIL

Mbështjellësit e xhenxhefilit bazohen gjithashtu në vetitë e bimës për të përmirësuar qarkullimin e gjakut, për të hequr lëngjet e tepërta, për djegie intensive të dhjamit dhe forcim të lëkurës. Kështu, mund të themi se kjo procedurë ka efekt ngritës dhe anti-plakjeje.

Për ta përgatitur, përzieni pluhurin bimor me argjilë në sasi të barabarta dhe hollojeni përzierjen me ujë mineral. Aplikojeni në zonat problematike me celulit dhe lëreni për 10-30 minuta. Pastaj, lajeni maskën me ujë të ftohtë dhe vendosni krem hidratues në trup.

BALSAM PËR DOBËSIM NGA XHENXHEFILI

RECETA E GATIMIT

Ka disa receta bazë të balsamit të xhenxhefilit për humbje në peshë.

ME KRIPË DHE ERËZA

Rrënja ose pluhuri i xhenxhefilit, arrëmyshku, kanella dhe kripa përzihen në përmasa të barabarta. Hollojeni përzierjen e përftuar me pak ujë të ngrohtë deri sa të shndërrohet në krem të trashë.

ME MJALTË

Përzieni 1 lugë të vogël pluhur xhenxhefili dhe 2 lugë mjaltë natyral.

ME VAJ KOKOSI

Përzieni 1 lugë xhenxhefil të bluar me 50 ml vaj kokosi të parafinuar dhe ngroheni në zjarr të ngadaltë për rreth 7 minuta. Pastaj shtoni 50 ml vaj bajamesh. Pas ftohjes, shtoni 150 g sheqer kafe, 50 g kripë deti dhe 5 pika vaj esencial portokalli.

E rëndësishme! Nëse shfaqet një ndjesi e fortë djegieje në lëkurë kur përdorni pastrues me xhenxhefil të freskët të copëtuar, mund ta zëvendësoni atë me rrënjën në formë të pluhurit të thatë.

Balsamet me bazë xhenxhefili përdoren jo më shumë se 2 herë në javë.

ÇAJI I XHENXHEFILIT

Me grirjen e një pjese të vogël të rrënjës së xhenxhefilit, fitohet një çaj efektiv anti-celulit. Mirëpo xhenxhefili ka një shije specifike shumë të mprehtë dhe pikante, për këtë arsye, sot në çajra përdoren aroma për të maskuar shijen, gjë që e bën atë më të pranueshëm.

Për lexim të hollësishëm të këtij teksti, shihni f.8-9 të botimit elektronik të revistës BETTY (KORRIK 2021).