Çfarë është Botoksi?

|

d-r Kosta Cvetkovic
spec. dermatovenereolgjisë



Botoksi është një proteinë natyrore e krijuar nga bakteri C. botulinum, që fillimisht gjeti zbatim në mjekësi në trajtimin e sëmundjeve të brendshme të natyrës neurogjenike. Si bllokues i impulseve nervore nga truri duke synuar indet muskulore, shumë shpejt u kuptua se Botoksi mund të ishte shumë efektiv në trajtimin e rrudhave që shfaqen në fytyrë dhe qafë. Funksioni i tij është të shtendosë muskujt e fytyrës dhe kështu t'i zvogëlojë ose eliminojë rrudhat që shfaqen për shkak të lëvizjes (mimikës) së atyre muskujve.

Trajtimi është i thjeshtë dhe i shpejtë, ndërsa efektet janë të dukshme 7 ditë pas aplikimit. Është një metodë minimale invazive që nuk kërkon kushte të veçanta ose kujdes pas trajtimit, kurse efektet zgjasin me muaj. Procedura përfshin pickimin e lehtë të tufave të buta muskulore të fytyrës dhe aplikimin e dozave shumë të vogla të tretësirës Botoks, pas së cilës efekti më i pakëndshëm anësor i mundshëm është një mavijosje e vogël, për shkak të individualitetit të anatomisë së secilit person.



Indikacionet tashmë i përmendëm, por përveç rrudhave, Botoksi është i pazëvendësueshëm edhe në trajtimin e djersitjes së tepërt nën sqetulla, pëllëmbë dhe thembra. Botoksi është po ashtu i shkëlqyeshëm në trajtimin e migrenës, ku përmes aplikimit në muskujt e kafkës, dhimbja dhe sikleti zvogëlohen plotësisht.

Kundërindikacionet e trajtimit janë të gjitha proceset lokale të pranishme në vendin e injektimit (infeksione, malinjitete etj). Përveç kësaj, trajtimi është plotësisht i sigurt dhe madje nuk ka asnjë ndikim gjatë shtatzënisë. Metoda këshillohet të përsëritet pas disa muajsh (4-6 muaj) për shkak të efekteve kalimtare të Botoksit.

Për lexim të hollësishëm të këtij teksti, shihni f.27 të botimit elektronik të revistës BETTY (SHTATOR 2020).