TEST – A jeni të lumtur?

1. Sa shpesh bëni plane për të ardhmen dhe ëndërroni për një të nesërme më të bukur?

• A) Nuk mund të ndalem së menduari për suksese joreale


• B) Ndonjëherë mendoj për atë se ''çfarë do të ishte, sikur të ishte...'' por kurrë nuk e lodh veten me të


• C) Përpiqem të kem pritshmëri reale për veten dhe më shpesh nuk bëj plane

2. Sa e gjeni veten në thënien e mirënjohur; lumturia fshihet te gjërat e vogla?

• A) Dëshirat e vogla janë për njerëz të vegjël


• B) Mundohem ta ndjek këtë moto, por nuk ia dal gjithmonë mbanë


• C) Sa më të vogla pritshmëritë, aq më e madhe lumturia, kështu që e gjej veten edhe atë si

3. A e hapin me të vërtetë paratë derën e lumturisë?

• A) Paraja është proporcionale me lumturinë


• B) Ka gjëra që nuk mund të blihen me para, por megjithatë e japin çelësin për një jetë më të lumtur


• C) Paratë nganjëherë mund t'ju bëjnë të lumtur, por ka emocione që nuk përjetohen me para

4. A i konsideroni njerëzit të mirë apo të këqij?

• A) Besoj se në çdo person ka një anë të keqe që herët ose vonë del në pah


• B) Ka edhe të mirë edhe të këqij, por le të mendojmë pozitivisht


• C) Të gjithë njerëzit janë të mirë, ndonëse disa, për shkak të rrethanave të caktuara në jetën e tyre, duhej të ndryshonin

5. Si përballeni me problemet tuaja?

• A) Sulmi është mbrojtja më e mirë, prandaj zakonisht reagoj me dhunë dhe dua t'i zgjidh menjëherë


• B) Në varësi të situatës. Ndonjëherë i zgjidh, ndonjëherë pres që të kalojë pak kohë...


• C) Nuk nxitoj kurrë dhe përpiqem të gjej qetësisht një zgjidhje

6. Nëse bëni prapavështrim të të gjitha gjërave që ju kanë ndodhur në jetë...

• A) Pendohem për shumë nga veprimet e mia dhe do të ndryshoja shumë gjëra


• B) Po të mundja, do të kisha ndryshuar disa prej tyre, por prapëseprapë nuk pendohem


• C) Nuk pendohem për asgjë, ashtu duhej të ndodhte

7. A mendoni se ju mungon diçka në jetë?

• A) Gjithmonë më mungon diçka, sepse gjithmonë mund të jetë më mirë


• B) Nganjëherë mendoj se më mungojnë disa gjëra, por prapëseprapë kërkoj ngushëllim në ato që kam


• C) Kam mësuar se lumturia qëndron në atë që kemi tani

8. Kur dëgjoni muzikë...

• A) Ndikon në disponimin tim, por jo shumë shpesh


• B) Më mërzisin vetëm këngët emocionale...


• C) Gjithmonë gjej një mënyrë për ta shijuar atë

9. Si ndiheni në mesin e një turme njerëzish?

• A) Nuk ndihem rehat


• B) Varet nga shkaku dhe rasti


• C) Shumë njerëz do të thotë energji e lartë, prandaj kënaqem kur jam në mesin e shumë njerëzve

10. Kur ndiheni keq...

• A) Në mua zgjohet një agresivitet dhe trishtim i panevojshëm


• B) Izolohem dhe kërkoj një mënyrë për të shpërqendruar veten me ndonjë lloj aktiviteti


• C) Dua ta ndaj me të afërmit e mi

Shumica e përgjigjeve nën A

Gjakftohtësia juaj dhe shpërthimet e kohëpaskohshme ju çojnë në situata stresuese ku vetëm mund ta dëmtoni veten. Kërkimi i drejtësisë aty ku nuk ka, ju bën të rebeloheni në rrethana ku në fakt nuk keni fuqi të ndryshoni asgjë. Mund të gjeni më shumë lumturi duke lënë pas dore problemet e vogla dhe duke u përqendruar te gjërat që kanë me të vërtetë rëndësi. Më shpesh ndiheni të pakënaqur sepse jeni shumë kritik ndaj vetes. Perfeksionizmi është i mirë, por vetëm në njëfarë mase. Mos harroni se megjithatë përsosmëria nuk ekziston.

Shumica e përgjigjeve nën B

Jeni nga ata që e dinë se çelësi i lumturisë kërkohet në punët spontane dhe të përditshme. Megjithatë, sapo e gjeni veten në situata pakënaqësie, fajin e kërkoni në veprimet tuaja. Ambiciet tuaja ndonjëherë ju bëjnë të ndiheni të pamjaftueshëm për disa gjëra, por nëse nuk arrini atë që keni ëndërruar, jeni të zotë të vazhdoni më tutje dhe t'i vendosni vetes pritshmëri reale. Hulumtimet e fundit tregojnë se njerëzit e suksesshëm në marrjen e vendimeve jetësore, më shpesh e kërkojnë lumturinë në arritjet personale dhe profesionale, duke e lënë pas dore jetën e tyre private. Vazhdoni të jetoni një jetë të ekuilibruar duke bërë gjërat që ju bëjnë një person të lumtur në plan afatgjatë.

Shumica e përgjigjeve nën C

Natyra juaj spontane nuk ju lejon të bini në kurthet e stresit. Dikujt mund t'i dukeni të papërgjegjshëm dhe shumë të qetë, por ju jeni në të vërtetë një nga ata që e dinë se pritshmëritë e mëdha çojnë në zhgënjime të mëdha. Edhe pse ndonjëherë dëshira për kontroll, për vëmendjen ose lavdërimin e dikujt ju jep shqetësim, ajo gjendje nuk zgjat shumë dhe nuk e humbni arsyen. E dini se mendimi pozitiv ka fuqinë për t'i bërë gjërat të duken shumë më të thjeshta dhe më të arritshme. Në ditët kur nuk ndiheni në humor të mirë, energjinë e nevojshme e merrni nga kënaqësitë e përditshëm dhe nga të afërmit tuaj. Ruani besimin tuaj të padjallëzuar në gëzimet e vogla dhe vazhdoni t'i buzëqeshni jetës.

Për lexim të hollësishëm të këtij teksti, shihni f.30-31 të botimit elektronik të revistës BETTY (MARS 2020).