Vitaminat dhe mineralet

Ivana Dimishkova
doktor i mijekësisë dentare

|



Të gjithë e dimë se vitaminat dhe mineralet janë shumë të rëndësishme për përmirësimin e shëndetit dhe ruajtjen e një ekuilibri të mirë në trup tek të rriturit. Shumica e njerëzve mendojnë se me një dietë të mirë, i marrin sasitë e mjaftueshme të vitaminave dhe mineraleve që i nevojiten organizmit. Megjithatë, ushqimi që hamë është aq i përpunuar sa na lejon të konsumojmë vetëm sasi të caktuara apo të ulura të vitaminave dhe mineraleve. Stili bashkëkohor i jetesës, ritmi i shpejtë i jetës dhe stresi socio-ekonomik, i shterin rezervat e disa vitaminave dhe mineraleve, kështu që këshilla më e mirë është që të merrni vitamina dhe minerale.

Por a e dini se çfarë janë vitaminat dhe çfarë janë mineralet?

• Vitaminat janë komponime komplekse që trupi juaj nuk mund t’i prodhojë i vetëm, prandaj duhet t’i siguroni përmes ushqimit dhe shtesave ushqimore.


• Mineralet janë thelbësore për ngujimin e enzimave, hormoneve, hemoglobinës, përmes së cilave ndikojnë pothuajse në të gjitha pjesët e trupit të njeriut.

Falë mjekësisë së përparuar, njerëzit mund të gëzojnë një jetë më të gjatë dhe mbi të gjitha, më të mirë. Vitaminat dhe mineralet gjenden në një gamë të gjerë në barnatore, edhe atë në formë të kapsulave, tabletave, tabletave shkumëzuese dhe pluhurave të tretshëm.

• Vitamina C - është e domosdoshme në procesin e rigjenerimit të indeve, qelizave të gjakut, kockave dhe dhëmbëve. Vitamina C rrit fuqinë fagocitare të fagociteve, të cilat ndihmojnë në luftimin më të lehtë të infeksioneve dhe ftohjeve. Funksioni i veçantë mbrojtës i vitaminës C është efekti i saj antioksidues. Nëse jeni duhanpirës, trupi juaj e përdor këtë vitaminë për të asnjanësuar substancat e dëmshme që përmbahen në tymin e cigares.


• Vitamina B2 - vitamina e njohur për ne edhe si riboflavin, është një vitaminë e rëndësishme me rol antioksidues në trup. Është e rëndësishme për ruajtjen e shëndetit të qelizave të gjakut, rrit energjinë, ndihmon për një metabolizëm të shëndetshëm, përmirëson pamjen e lëkurës dhe shëndetin e syve.


• Vitamina B6 – është vitaminë e tretshme në ujë, që do të thotë se trupat tanë nuk mund ta ruajnë për një kohë të gjatë dhe duhet të merret vazhdimisht përmes dietës. Një rol i rëndësishëm i kësaj vitamine është se e ndihmon sistemin imunitar për të prodhuar antitrupa, të cilat i nevojiten organizmit për të luftuar sëmundjet.


• Vitamina D - veçanërisht e rëndësishme për kockat. Ndihmon në përthithjen më të lehtë të kalciumit. Sot është e njohur që vitamina D ndihmon në mbrojtjen dhe trajtimin e shumë sëmundjeve.


• Kalciumi - mineral mjaft i rëndësishëm që ka rol kyç në shëndetin e kockave. Ndihmon gjithashtu në ruajtjen e shëndetit të zemrës, muskujve, nervave dhe dhëmbëve.


• Kaliumi - luan një rol të rëndësishëm në proceset e trupit, të tilla si funksioni i nervave dhe muskujve dhe baraspesha e lëngjeve.


• Magnezi - është një nga elementet themelorë të nevojshme për funksionimin e drejtë të organizmit të njeriut. Aktiviteti i rritur fizik mund të shkaktojë mungesë të magnezit në trup, kështu që atletët kanë nevoja të shtuara për këtë mineral të rëndësishëm. Luan një rol të rëndësishëm në punën e sistemit kardiovaskular, sistemit nervor, muskujve, veshkave, gjëndrave që sekretojnë hormone dhe të trurit.


• Zinku - një mineral i rëndësishëm që merr pjesë në shumë procese në organizëm. Organizmi përballet më lehtë me ftohjet dhe gripin kur ka mjaft zink, sepse zinku ndihmon në forcimin e sistemit imunitar. Përveç kësaj, zinku ndihmon në mbajtjen e pamjes së mirë të lëkurës.

Kujdesi për shëndetin tonë është përgjegjësia dhe bekimi ynë më i madh. Prandaj, me marrjen e vitaminave dhe mineraleve të duhura, do të jemi më të shëndetshëm dhe do të shmangim përballjen e mëtejshme me pasoja më serioze.

Për lexim të hollësishëm të këtij teksti, shihni f.8 të botimit elektronik të revistës BETTY (GUSHT 2021).