Movember – Muaji i shëndetit të meshkujve

Movember (në anglisht Movember) është një ngjarje vjetore në të cilën meshkujt rrisin mustaqet dhe mjekrën gjatë muajit nëntor për të rritur ndërgjegjësimin për çështjet e shëndetit të meshkujve si kanceri i prostatës, kanceri i testikujve dhe shëndeti mendor.

Fondacioni Movember organizon këtë ngjarje humanitare në
www.movember.com. Qëllimi është të “ndryshojmë pamjen e shëndetit të meshkujve”.

Duke inkurajuar burrat të përfshihen, Movember synon të rrisë zbulimin e hershëm të kancerit, si dhe diagnostikimin dhe trajtimet efektive dhe në fund të zvogëlojë numrin e vdekjeve të parandalueshme. Përveç shfaqjeve vjetore, Fondacioni Movember inkurajon burrat të hulumtojnë historinë e tyre familjare të kancerit dhe të pranojnë një mënyrë jetese më të shëndetshme.

Duke përdorur mustaqet si simbolin e ngjarjes, Movember fokusohet në tre fusha kryesore: kanceri i prostatës, kanceri i testikujve dhe shëndeti mendor dhe parandalimi i vetëvrasjeve.

Që nga fillimi i tij, Fondacioni Movember ka mbledhur mbi 837 milionë dollarë dhe ka financuar mbi 1200 projekte në më shumë se 20 vende.

Në vitin 2012, Global Journal e emëroi Movember si një nga 100 organizatat më të mira joqeveritare në botë.

HISTORIA

Seven Nightly News transmetoi një histori në vitin 1999 që përfshinte një grup të rinjsh në Adelaide, Australinë e Jugut, të cilët shpikën termin Movember dhe idenë e rritjes së mustaqeve për bamirësi gjatë nëntorit.

Në lajme, anëtarët e Komitetit Movember nga Adelaide shpjeguan se si u erdhi ideja për Movember një natë në një pijetore. Grupi filloi me 80 burra nga Adelaide dhe shpejt u bë një fenomen kombëtar. Ata gjithashtu synonin të mblidhnin para për RSPCA duke shitur bluza në atë që ata e quanin "Rritja e mustaqeve për mustaqellinjtë".

Në vitin 2004, një grup i pavarur në Melburn organizoi një ngjarje ku 30 burra rritën mustaqe për 30 ditë për të rritur ndërgjegjësimin për kancerin e prostatës dhe depresionin tek burrat. Adam Garron, Travis Garron, Luke Slattery dhe Justin (JS) Coughlin kanë frymëzuar 26 miq të tjerë për të rikthyer trendin e mustaqeve.

Një vit më pas, pothuajse 500 njerëz mblodhën mbi 40,000 dollarë për Fondacionin e Kancerit të Prostatës të Australisë. Në atë kohë ishte donacioni më i madh që PCFA kishte marrë ndonjëherë. Ky grup më vonë do të bëhej fondacioni bamirës Movember. Tre vjet pas fillimit të ngjarjes Movember, organizata merr statusin zyrtar të bamirësisë në Australi.

Fondacioni Movember që atëherë ka mbledhur 174 milionë dollarë në mbarë botën pasi u zgjerua në Afrikën e Jugut dhe në Evropë, duke arritur deri në Amerikën e Veriut në vitin 2006.
Në vitin 2009, Movember mori statusin zyrtar të bamirësisë në Shtetet e Bashkuara të Amerikës. Në vitin 2010, pjesëmarrësit vetëm në SHBA mblodhën mbi 7.5 milionë dollarë. Në vitin 2012, 1.1 milionë njerëz u regjistruan për të marrë pjesë, duke mbledhur mbi 95 milionë dollarë.

MASHKULLI NDËRKOMBËTAR I “MOVEMBER”

Mashkulli ndërkombëtar i Movember zgjidhet nga 21 vende të botës për të mbajtur kurorën dhe për të qenë fytyra e Movember për të gjithë vitin.

Çdo fitues kombëtar votohet në mbrëmjen kryesore gala në atë vend të caktuar, të mbajtur në fund të nëntorit, nga gjyqtarët dhe shikuesit.

Kampioni i parë ishte Mark Najt nga Londra në vitin 2010.

Afrika e Jugut Anton Tejlor fitoi titullin në vitin 2011 dhe në 2012 ishte Kris Tuajts i Zelandës së Re ai që fitoi brezin e lakmuar. Në vitin 2013 u kurorëzua suedezi Tom Rikard.

Për lexim të hollësishëm të këtij teksti, shihni f.06-07 të botimit elektronik të revistës BETTY (NËNTOR 2022).