Shkruan: Dr. Katerina Siljanoska - Stomatologe
Rreth 80% e shkaqeve të erës së keqe vijnë nga zgavra e gojës, dhe 20% tjetër shkaktohet nga sëmundjet e stomakut, infeksionet e rrugëve të frymëmarrjes, bronkiti kronik dhe diabeti.
E vërteta e kavitetit
- Sheqeri është shkaktari i vetëm i kariesit. Çdo karbohidrat që konsumojmë mund të shkaktojë kavitete: orizi, patatet, buka, të cilat nga ana tjetër përmbajnë sheqer.
- Mosha nuk ndikon në shfaqjen e kavitetit, por falë fluorit në fakt parandalohet shfaqja e kariesit tek personat deri në moshën 20 vjeç. Nga ana tjetër, kaviteti tek të moshuarit është në rritje për shkak të përdorimit të shpeshtë të medikamenteve.
- Mbushjet e dhëmbëve nuk kanë afat dhe nuk është e domosdoshme që të zëvendësohen me të reja pas një periudhe të caktuar.
- Pasi të trajtohet kariesi, prishja ndalon. Pasi kaviteti të mbushet, probabiliteti i përsëritjes së tij është shumë i ulët.
- Kërcitja e dhëmbëve nuk shkakton kavitete, por është gjëja më e keqe që mund t'u ndodhë dhëmbëve, sepse krijon presion të madh në dhëmbë, që mund të shkaktojë çarje.
Fluori dhe dhëmbët e fëmijëve tuaj
Studimet botërore kanë treguar se në zonat ku përdoret uji i fluorizuar, kariesi dhe prishja e dhëmbëve reduktohen me 50%, dhe nga ana tjetër, në vendet ku uji nuk është i fluorizuar, rekomandohet higjiena e rregullt, larja dhe shpëlarja me antiseptikë.
A është fluori i sigurt?
Është konfirmuar dhe testuar klinikisht se fluori i përdorur në sasi të përshtatshme është i sigurt dhe shumë efektiv.
Sasitë e lejuara për fëmijët nga 3 deri në 6 vjeç është një pastë me madhësi bizele dy herë në ditë, ndërsa për fëmijët nën 3 vjeç sasia duhet të jetë një kokërr orizi.
Për lexim të hollësishëm të këtij teksti, shihni f.14-15 të botimit elektronik të revistës BETTY (Prill 2024).
.svg){kind=icon}