A kemi një zgjidhje të sigurt dhe efektive për dhimbjen?

Dhimbja është simptomë për të cilën pacientët më shpesh konsultohen me mjekun. Organizata Botërore e Shëndetësisë e përkufizon atë si “përvojë shqisore ose emocionale e pakëndshme, e lidhur me dëmtim të vërtetë ose potencial të indit”. Sipas intensitetit, dhimbja ndahet në të lehtë, të moderuar dhe të fortë, ndërsa sipas kohëzgjatjes mund të jetë akute ose kronike. Në varësi të intensitetit dhe kohëzgjatjes, kjo ndjesi e pakëndshme mund të ndikojë më shumë ose më pak në cilësinë e jetës sonë dhe aftësinë për të kryer aktivitetet e përditshme.
Ekzistojnë disa lloje barnash që sipas udhëzimeve zyrtare rekomandohen për tipe të ndryshme dhimbjeje. Zgjedhja e barit varet nga lloji i dhimbjes, faktori shkaktar dhe shumë kritere të tjera të rëndësishme që duhet të vlerësohen nga mjeku.
Terapia me barna është jashtëzakonisht efektive dhe në përputhje me udhëzimet. Megjithatë, te disa grupe pacientësh, disa barna mund të shkaktojnë parehati, sidomos kur përdoren vazhdimisht për një periudhë të gjatë kohore (p.sh. shqetësime në stomak, dhimbje barku, fryrje etj.). Për këtë arsye, gjithnjë e më shpesh përdoren produkte që paraqesin alternativa më të sigurta terapeutike.
Molekula e quajtur palmitoiletanolamid (shkurt PEA) është studiuar gjerësisht nga ekspertë përmes studimeve klinike dhe praktikës për shumë vite. Është vërtetuar se kjo molekulë ka veprim të fuqishëm anti-inflamator dhe analgjezik, gjë që lejon përdorimin e produkteve që përmbajnë PEA te pacientët me inflamacion dhe dhimbje akute apo kronike. Efikasiteti i PEA-së për simptomat e dhimbjes kronike dhe neuropatike është konfirmuar në më shumë se 30 studime klinike me mbi 6,000 pacientë. Rezultatet tregojnë se PEA është po aq efektive si në monoterapi, ashtu edhe në kombinim me barna analgjetike. Gjithashtu, në këto studime nuk janë vërejtur efekte anësore të rëndësishme apo ndërveprime me barna.
Produktet që përmbajnë palmitoiletanolamid në kombinim me vitamina të grupit B kontribuojnë në funksionimin normal të sistemit nervor dhe imunitar, funksionimin normal psikologjik, si dhe në reduktimin e lodhjes dhe rraskapitjes.
Falë mekanizmit unik të veprimit, palmitoiletanolamidi ul inflamacionin në raste të inflamacionit akut dhe kronik (artrit, neuralgji), zvogëlon intensitetin e dhimbjes akute dhe kronike (që mund të shfaqet pas dëmtimeve ose operacioneve), duke kontribuar gjithashtu në mbrojtjen e qelizave nervore, optimizimin e funksioneve njohëse dhe përmirësimin e cilësisë së jetës.
Mendoni sa shpesh ndodh, për shkak të stresit, lodhjes, qëndrimit të gjatë para ekranit ose gjumit të dobët, të ndieni një dhimbje shumë të pakëndshme koke. Po, pikërisht ajo dhimbje monotone që krijon ndjesinë sikur keni një rrip rreth kokës që ju shtrëngon dhe ju pengon në aktivitetet e përditshme.
Produktet që përmbajnë një dozë më të lartë të palmitoiletanolamidit kanë treguar efikasitet në uljen e intensitetit të dhimbjes akute në dhimbjet e kokës me tension. Studimet kanë treguar se PEA zvogëlon në mënyrë efektive presionin, shtrëngimin dhe dhimbjen monotone në zonën e kokës, si dhe redukton tensionin, lodhjen dhe rraskapitjen.

 

Shkruan
Magjistër i Farmacisë
Stefçe Monavçev
Area Manager INNventa Macedonia