Polineuropatia diabetike është një sëmundje e nervave periferikë që shfaqet si pasojë e diabetit. Kjo sëmundje karakterizohet nga humbje progresive e fibrave nervore, gjë që çon në humbje ndjesie dhe zhvillim të ulçerës (plagë e hapur) në shputë, e cila mund të përfundojë edhe me amputim. Shkaku i saktë i polineuropatisë diabetike ende nuk është i njohur, dhe mendimet e ekspertëve janë të ndryshme. Ajo që dihet me siguri është se niveli i lartë i sheqerit në gjak shkakton çrregullime në qarkullimin e gjakut, duke dëmtuar enët e vogla të gjakut. Si pasojë, ushqimi i indeve periferike bëhet i vështirë.
Më shumë se 80% e personave me diabet kanë komplikacione në formë të polineuropatisë diabetike. Është me rëndësi të dihet se shfaqja e kësaj gjendjeje nuk varet drejtpërdrejt nga niveli i sheqerit në gjak, prek të dyja gjinitë në mënyrë të barabartë dhe është më e zakonshme tek personat më të moshuar. Në fazat e hershme, neuropatia shpesh nuk shkakton asnjë simptomë.
Me përparimin e sëmundjes, simptomat fillojnë të shfaqen dhe zakonisht paraqiten si ndjesi djegieje, shpimi gjilpërash apo ngërçe në shputat e këmbëve, ndërsa mund të ketë edhe dhimbje djegëse dhe mpirje. Ky lloj dhimbjeje është zakonisht më i fortë gjatë natës, kur ndonjëherë edhe prekja e mbulesës përkeqëson ndjesinë.
Shpesh ndodhin ndryshime në strukturën e lëkurës së shputave dhe pjesës së poshtme të këmbëve – ajo bëhet e hollë, e kuqërremtë, fillon të bjerë qimet, thonjtë thyhen lehtë, lëkura thahet dhe çahet, duke formuar plagë që vështirë shërohen. Për shkak të të gjitha këtyre problemeve, ecja bëhet e vështirë tek pacientët me polineuropati diabetike.
Neuropatia diabetike është një parashenjë për zhvillimin e këmbës diabetike, që sjell rrezik të rritur për amputim nëse nuk zbulohet dhe trajtohet në kohë.
Për të parandaluar shfaqjen e neuropatisë – dhe edhe nëse ajo tashmë ekziston – është thelbësore të mbahet niveli i sheqerit në gjak në vlera normale, të reduktohet pesha trupore, të kontrollohen yndyrnat në gjak, të ndërpritet duhani dhe përdorimi i tepruar i alkoolit, si dhe të ndiqet një ushqim i shëndetshëm.
Përveç këtyre masave jo-farmakologjike, parandalimi dhe trajtimi i neuropatisë diabetike bazohet në përdorimin e formës R të acidit alfa-lipoik, që është antioksiduesi natyral më i fuqishëm. Meqenëse trupi nuk mund ta prodhojë në sasi të mjaftueshme në mënyrë natyrale, duhet të merret në formë kapsulash dhe në variantin me bio-disponueshmëri më të lartë.
R-acidi alfa-lipoik është forma e vetme e provuar shkencërisht që rrit ndjeshmërinë ndaj insulinës, përmirëson transportin e glukozës, aktivizon metabolizmin dhe zvogëlon akumulimin e yndyrës trupore që lidhet me moshën.
Ai mbron strukturën nervore nga stresi oksidativ dhe përmirëson mikroqarkullimin e gjakut. Studimet klinike kanë vërtetuar se forma R e acidit alfa-lipoik redukton dhimbjen neuropatike për 30–50% pas 12 javësh përdorim.
Si efekt përfundimtar i këtij përbërësi, simptomat e neuropatisë diabetike zbuten (pakësohen dhimbjet dhe ndjesitë e pakëndshme), rritet ndjeshmëria në shputat e këmbëve ndaj temperaturës dhe prekjes, përmirësohet mikroqarkullimi dhe ushqimi i qelizave nervore, dhe rritet lëvizshmëria e gjymtyrëve.
Përveç që është një antioksidues shumë i fuqishëm, acidi alfa-lipoik neutralizon direkt radikalet e lira në trup, dhe gjithashtu stimulojnë indirekt aktivitetin e koenzimës Q10, glutationit dhe vitaminave C dhe E.
Mos injoroni asnjë ndjesi apo simptomë që ndjeni, sidomos nëse tashmë keni diagnozën e diabetit. Informoni mjekun tuaj për gjithçka, dhe ai do t’ju ndihmojë të zgjidhni qasjen më të mirë terapeutike – me qëllim që të parandalohet dhe ngadalësohet përparimi i mëtejshëm i sëmundjes dhe shfaqja e komplikacioneve.
Shkruan
MPharm Stefçe Monavçev
Menaxher Rajonal,
INNventa Maqedonia
.svg){kind=icon}