Probiotikët dhe elektrolitet një kombinim ideal për rehidrim dhe diarre

Shkruan: Mr. për Farmaci Snezhana Joshkovska

Diarreja është një gjendje kur kemi një çrregullim të proceseve metabolike në sistemin tretës të përcjellë me më shumë se tre jashtëqitje të lëngshme apo me bark gjatë ditës.

Shpesh janë të pranishme edhe ngërçet e barkut dhe shkaktarët janë zakonisht viruset ose bakteret (toksina bakteriale) të cilat, përveç diarresë, shkaktojnë edhe të vjella.
Kjo humbje e tepërt e lëngjeve brenda vetëm disa orëve çon në dehidrim të trupit, i cili mund të ketë pasoja fatale. Është veçanërisht i rrezikshëm për foshnjat dhe fëmijët e vegjël për shkak të mënyrës specifike të të ushqyerit dhe problemi i rikthimit të lëngjeve dhe elektroliteve të humbura.
Simptomat e dehidrimit përfshijnë: gojën e thatë dhe pështymë ngjitëse, urinë të errët, urinim në sasi të vogla, gjendje dobësie, apati, nervozizëm, marramendje, temperaturë.

Prandaj, mënyra më e mirë për të trajtuar dehidratimin është parandalimi i shfaqjes së tij. Rihidratimi oral duhet të fillojë sa më shpejt që të jetë e mundur - ORS duhet të jepet sapo të fillojnë simptomat e diarresë akute për të parandaluar komplikimet.

Probiotikët janë tashmë terapi standarde dhe zgjedhja e parë për diarrenë, por kur ka edhe të vjella, kombinimi i tyre me kripërat e rihidrimit oral (ORS) jep një efekt shumë më të mirë. Edhe pse kulturat e mira probiotike në zorrë, si dhe ai në suplementet ushqimore janë para së gjithash bakterie (Lactobacillus,Bifidobacterium) dhe janë vërtetuar si të domosdoshme për tretjen normale të ushqimit, probiotiku i cili në të shumtën e rasteve kombinohet me ORS është në fakt një kërpudhë.

Bëhet fjalë për
llojin Saccharomyces boulardii, që nuk bën pjesë në mikroflora normale të zorrëve, por është shumë i dobishëm kur ka një çekuilibër, diarre dhe humbje lëngjesh.

Ajo që e bën një zgjedhje ideale janë karakteristikat e tij, të cilat janë:
• Ka rritje optimale në temperaturën e trupit 37 °C
• Mbijeton transferimin nëpër të gjitha pjesët e traktit tretës
• Është rezistent ndaj pH të ulët dhe kripërave biliare
• Është natyralisht rezistent ndaj antibiotikëve
• Nuk kolonizon traktin tretës – eliminohet nga feçet pas 3-5 ditësh nga ndërprerja e përdorimit.

Mekanizmi i veprimit të këtij probiotiku përfshin: Frenimin e toksinave – Bllokon receptorët për toksinat bakteriale dhe degradon drejtpërdrejt toksinat bakteriale (toksina C.difficile A dhe B).

Ai gjithashtu ka një efekt antimikrobik, d.m.th. frenon drejtpërdrejt rritjen e patogjenëve (Candida albicans, Salmonella typhumurum).
Ky probiotik është i kombinuar me një kripë rehidrimi oral që përmban natrium, kloride, kalium dhe glukozë.Këta janë komponentët më të rëndësishëm të nevojshëm për të rimbushur elektrolitet e humbura gjatë diarresë dhe të vjellave.

Ky kombinim vjen në formën e një pluhuri që tretet në 250 ml ujë të zier dhe të ftohur në temperaturë ambienti dhe pihet në gllënjka të vogla. Për të përmirësuar shijen, tretësira e përgatitur mund të ëmbëlsohet me një sasi të vogël lëngu frutash.
Mund të përdoret në të gjitha kushtet ku ka diarre ose të vjella për të parandaluar dehidratimin (diarre infektive, diarre e shkaktuar nga mikroflora e pabarabartë e zorrëve, diarreja e udhëtimit, diarre e shkaktuar nga antibiotikët, infeksionet me Clostridium difficile dhe sëmundjen Salmonellom typhi, sindroma e zorrëve, diarreja në infeksionet HIV dhe ushqimi parenteral)

Për lexim të hollësishëm të këtij teksti, shihni f.20-21 të botimit elektronik të revistës BETTY (Korrik 2022).