Simptoma të hershme të kancerit të gjirit, kontrolle

Gunga në gjoks në shumicën e rasteve lidhen me kancerin e gjirit, por në fakt 90% prej tyre janë tumore beninje që nuk janë të rrezikshme për jetën.
Cilat janë shkaqet më të zakonshme të shfaqjes së gungave beninje në gjoks?
Infeksion i gjirit
Sëmundje fibro-cistike e gjirit (cista)
Fibroadenoma (tumor benign)
Nekrozë e indeve dhjamore (shkatërrim i indit dhjamor)
Edhe pse shumica e gungave në gjoks janë të lidhura me kushte të rënda dhe të dhimbshme, gungat pa dhimbje janë simptoma më e zakonshme e kancerit të gjirit.
Prandaj është shumë e rëndësishme që çdo grua që nga mosha e hershme të kontrollojë gjoksin e saj çdo muaj. Lajmi i mirë është se kanceri i gjirit trajtohet nëse zbulohet në fazat e hershme.
Cilat janë simptomat e hershme të kancerit të gjirit?
Ndryshime në formën e thithës
Dhimbje në gjoks, veçanërisht pas menstruacioneve
Gungë që nuk zhduket pas ciklit menstrual
Sekrecion nga thithja me ngjyrë të pastër, të kuqe, kafe ose të verdhë
Kuqësi të pa shpjegueshme, ënjtje, inflamacion i lëkurës, kruajtje ose skuqje të lëkurës së gjirit
Ënjtje ose gungë rreth sqetullës ose në fund të gjirit
Cilat janë simptomat e mëvonshme të kancerit të gjirit?
Tërheqje ose përkulje e thithës
Zmadhojë e gjirit
Sipërfaqe konkave në gjoks
Rritje e gungës ekzistuese
Shfaqja e “lëkurës si lëvorja e portokallit” në gjoks
Dhimbje vaginale
Humbje e pashpjegueshme në peshë
Nyje limfatike të zgjeruara në sqetull
Vena të dukshme në gjoks

Prania e një ose më shumë prej këtyre simptomave nënkupton se duhet patjetër të konsultoheni me mjekun dhe të bëni kontrollet e nevojshme. Megjithatë, këto simptoma nuk do të thonë patjetër që keni kancer të gjirit, sidomos në formë malinje.
Disa nga këto simptoma mund të shfaqen edhe për shkak të çrregullimeve hormonale, përdorimit të pilulave kontraceptive, trajtimit të infertilitetit, përdorimit të reçipetave të gabuara, cistave në gjoks, gjinjve shumë të mëdhenj, stresit.
Është e rëndësishme që gratë të mos jetojnë në frikë, por në vetëdije. Forca më e madhe qëndron në njohjen e hershme dhe kujdesin e rregullt për veten. Vetëkontrolli i gjirit është një zakon i thjeshtë që mund të shpëtojë jetë – duhen vetëm disa minuta në muaj, më së miri disa ditë pas ciklit menstrual, kur gjinjtë janë më pak të ndjeshëm.
Përveç vetëkontrolleve, rekomandohet edhe kontrolli i rregullt me ultrazë të gjirit, veçanërisht për gratë nën moshën 40 vjeç, si dhe mamografia pas të 40-tave ose sipas rekomandimit të mjekut. Nëse ndjeni ose vëreni ndonjë ndryshim, mos e shtyni – konsultimi me mjekun dhe farmacistin është hapi i parë drejt sigurisë dhe qetësisë mendore.
Çdo grua meriton të ndihet e sigurt në trupin e saj. Kujdesi për gjinjtë nuk është tabu, por shenjë vetëdijeje, force dhe dashurie ndaj vetes. Prandaj, mos e nënvlerësoni as ndryshimin më të vogël – sepse pikërisht gjërat e vogla, të zbuluara me kohë, mund të bëjnë një ndryshim të madh.
Në vitet e fundit, mjekësia ka përparuar ndjeshëm në diagnostikimin dhe trajtimin e kancerit të gjirit. Falë terapive të reja, shumë gra jetojnë një jetë cilësore dhe të plotë edhe pas diagnozës. Prandaj është thelbësore të veprohet me kohë, sepse shanset për shërim të plotë janë më të mëdha kur sëmundja zbulohet në fazat e hershme.
Mbështetja nga më të afërmit, por edhe komunikimi i hapur me profesionistët shëndetësorë, luan një rol të madh në procesin e trajtimit dhe shërimit. Nuk jeni kurrë vetëm – ekzistojnë organizata, grupe mbështetëse, si dhe farmacistë dhe mjekë që janë aty për ju, me informacione, mirëkuptim dhe udhëzime.
Në fund, mos harroni: kujdesi për veten nuk është luks, por domosdoshmëri. Dëgjoni trupin tuaj, bëni kontrolle të rregullta dhe mos kini frikë të kërkoni ndihmë. Shëndeti i gruas është përparësi, ndërsa parandalimi – aleati juaj.

Shkruan
Ronald Duka
Dr. Specialist në kirurgjinë torakale