Vitiligo është një sëmundje kronike, autoimune dhe e lidhur gjenetikisht. Ajo prek të dy gjinitë, nuk ka moshë të caktuar dhe mund të prekë të gjitha etnitë.
Vitiligo është një sëmundje kronike, autoimune dhe e lidhur gjenetikisht. Ajo prek të dy gjinitë, nuk ka moshë të caktuar dhe mund të prekë të gjitha etnitë.
Ekzistojnë faktorë të jashtëm që provokojnë këtë sëmundje; disa nga më të rëndësishmit janë stresi, trauma si ato fizike dhe kimike. Në patogjenezën e kësaj sëmundje preken qelizat bazë që prodhojnë melaninën, ose pigmentin e lëkurës. Këto qeliza quhen melanocite. Melanocitet shkatërrohen nga antitrupat e prodhuara nga vetë organizmi, ku shkatërrimi i tyre rezulton me mungesë të melanines dhe si pasojë e saj paraqiten hipopigmentimet apo njollat e bardha në lëkurë.
Ndryshimet në lëkurë mund të paraqiten në çdo pjesë të trupit, por forma më e shpeshtë është ajo akrofaciale, ku preken fytyra dhe ekstremitetet. Kjo është gjithashtu forma që më shumë i shqetëson pacientët pasi ndikon në pjesën estetike të tyre.
Simptomat e tjera si kruarje apo djegie nuk janë të pranishme në këtë patologji.
Diagnoza – Merret një anamnezë e detajuar duke i dhënë rëndësi anamnezës familjare dhe sëmundjeve të tjera shoqëruese që mund të ketë pacienti. Mund të ndodhi që kjo sëmundje të shoqërohet edhe me sëmundje të tjera autoimune si p.sh. sëmundja e Hashimotos, diabeti mellitus etj.
Behet një ekzaminim fizik i lëkurës, duke përfshirë edhe mukozat. Analizat laboratorike nuk kanë diçka specifike për këtë sëmundje, por për të përjashtuar sëmundjet e tjera autoimune, bëhet një laborator më i gjerë. Lampa Wood ndihmon në diagnostifikimin e kësaj sëmundje. Nuk preferohet të bëhet biopsi.
Pasi kemi një diagnozë të qartë, fillohet me trajtim të kësaj sëmundje duke përdorur preparate topikale si Kortikosteroide, Inhibitorë të Calcineuronit dhe UVB fototerapi.
Personalish dua të ndaj një lajm të mirë dhe shpresëdhënës për pacientët me Vitiligo. Terapia më e re e miratuar nga FDA në vitin 2022 në Amerikë është aplikimi i JAK – inhibitorëve si Kr. Ruxolitinib 1.5%. Pacientët e parë janë trajtuar tashmë në shtetin tonë me një repigmentim të plotë për një periudhë 6-mujore aplikimi.
Era e re e mjekimit të sëmundjeve autoimune dhe shpresa është tek terapia biologjike.
Dr.Lulije Ibraimi Jahja –Dermatologe
Spitali I pergjithshem -Kërçovë
KALKULATORI DIETIK
Me ndihmën e kalkulatorit të mëposhtëm mund të planifikoni vaktet e përditshme në mënyrë të shpejtë dhe të thjeshtë.
.svg){kind=icon}