АНЕМИЈА

Габриела Качакоска-Нанеска
Дипломиран фармацевт - ПЗУ аптека Биолек 3 Прилеп

Анемијата е состојба на човечкиот организам каде постои пореметување на физиолошката функција на крвта. Анемијата настанува кога доаѓа до значителен пад на бројот на црвените крвни елементи, ери- троцити или намалување на хемоглобинот, протеин кој го носи кислородот до ткивните клетки. Хемоглобинот го носи кислородот до ткивата со помош на јонот на двовалентното железо.

Иако анемијата е присутна кај 10% од човечката популација, појавата на анемија може да биде последи- ца од некоја болест или пак причина за појава на болест.

Симптоми на анемијата се ментална и физичка слабост (малаксаност), поспаност, вртоглавица, бледило, тахикардија (забрзана работа на срцето), намален или губиток на апетит. Постојат различни видови на анемија, предизвикани поради различни причинители. Некои се безопасни и лесно и успешно се третираат, но некои анемии може да претставуваат сериозна опасност и болест за човечкиот организам.

Иако постојат повеќе видови анемии може да се поделат на неколку основни групи:
- анемија предизвикана од губиток на еритроцити (акутни и хронични крварења...)
- анемија како последица на недоволна синтеза на црвени крвни клетки - еритроцити и хемоглобин (недостаток на витамин Б12, Б9 и Ц)
- анемија предизвикана од хемолиза (распаѓање на еритроцитите)
- анемија предизвикана од генетски и надворешни фактори

За откривање на анемијата покрај симптомите, потребно е да се направи комплетна крвна слика.

Лекување на анемија
Анемија при која не се појавуваат сериозни симптоми и компликации иако изгледа безопасно може да биде показател на сериозно заболување во организмот, затоа треба сериозно да биде сфатена.

Лекувањето треба да биде со препарати кои содржат железо и витамини Б12, Б9, Ц. Исто така треба да се воведат промени и во исхраната. Лекувањето на анемијата не трае пократко од 3-6 месеци. При тоа треба да се прави редовна контрола на крвната слика.

За детално читање на овој текст, погледнете на 24 стр. во електронското издание на BETTY магазин (Август 2022).