ВИТАМИНИ И МИНЕРАЛИ ЗА ЗИМСКО ЗДРАВЈЕ

Кои се клучни и кога да ги консумирате?

ВО ЗИМСКИОТ ПЕРИОД, ОРГАНИЗМОТ ЧЕСТО СЕ СООЧУВА СО НАМАЛЕН ВНЕС НА ХРАНЛИВИ МАТЕРИИ И ПОМАЛКУ
ИЗЛОЖЕНОСТ НА СОНЧЕВА СВЕТЛИНА, ПА ОДРЕДЕНИ ВИТАМИНИ И МИНЕРАЛИ СЕ ОСОБЕНО ВАЖНИ ЗА
ОДРЖУВАЊЕ НА ЗДРАВЈЕТО. ЕВЕ КОИ ВИТАМИНИ СЕ ПРЕПОРАЧУВААТ И КОГА Е НАЈДОБРО ДА СЕ КОНСУМИРААТ:

ВИТАМИН Д

ЗОШТО: Поради намалената изложеност на сонце во зимскиот период, телото не може да синтетизира доволно витамин D, што е клучен за имунитетот, здравјето на коските и расположението.

КОГА: Најдобро е да се зема со оброк кој содржи масти, бидејќи е растворлив во масти.

ВИТАМИН Ц

ЗОШТО: Го зајакнува имунолошкиот систем и помага во борбата против настинки и вируси. Исто така, придонесува за здравјето на кожата и апсорпцијата на железото.

КОГА: Може да се пие наутро или во текот на денот, бидејќи е растворлив во вода и се апсорбира релативно брзо.

ВИТАМИНИ ОД Б ГРУПАТА

ЗОШТО: Го поддржуваат производството на енергија, га намалуваат уморот и го одржуваат нервниот систем здрав.

КОГА: Најдобро е да се земаат наутро, бидејќи помагаат за енергија во текот на денот.

ВИТАМИН E

ЗОШТО: Делува како антиоксиданс кој ја штити кожата и клетките од оштетување.

КОГА: Се зема со оброк кој содржи масти, бидејќи е растворлив во масти.

МАГНЕЗИУМ И ЦИНК (МИНЕРАЛ)

ЗОШТО: Магнезиумот помага при релаксација, подобар сон и намалување на стресот. Цинкот помага во зајакнување на имунитетот.

КОГА: Магнезиумот- навечер, бидејќи помага при опуштање и подобар сон. Цинк- Најдобро на празен стомак, но може и со оброк доколку предизвикува непријатност.

ПРЕПОРАКИ:

· Консултирајте се со лекар за точните дози и комбинации според вашите индивидуални потреби.

· Најдобро е витамините да се земаат со оброци, освен ако е поинаку наведено.

· Балансирана исхрана со сезонско овошје и зеленчук е природен начин за внес на витамини.

Пишува: Фармацевт Јулијана Кескинова Мојаноска