Золеник – рецептите на мајките се секогаш во мода

Бранко Попоски
блогер за храна

|



Рецептите на мајките се секогаш во мода

Золеник

Во продолжение следува оригинален и традиционален рецепт кој е многу едноставен за подготовка.

Потребни состојки:

• 1 кг пченкарно брашно


• 3 лажици бело пченично брашно


• 2 страка праз


• 2 јајца, малку масло


• малку сол


• 1 пециво

Начин на подготовка:

Во подлабок сад се  става пченкарното брашно, се додаваат  3 лажици бело пченично брашно и добро се промешува. Потоа се подготвува филот од 2 страка праз и 2 јајца.

Во тава со масло се пропржува сечканиот праз, се додаваат двете јајца и се зачинува со сол по вкус. Додека се пропржува празот со јајцата, во плехот се налева масло. Со рака се „золе“ од смесата со пченкарно и пченично брашно. Одозгора брашното се натопува со вода со сол и пециво. Потоа пак се „золе“ со брашно и се натопува со солената вода. Се попрскува со масло и повторно се „золе“ брашно. Потоа се става од филот со праз и јајца и повторно се „золе“ брашно. Се налева солена вода, се попрскува со масло и се додава преостанатиот фил. Филот се покрива со брашно, се попрскува со масло и се остава да отстои околу 15 минути.

Се пече во загреана рерна околу 30 минути на 250 степени.

* „золе“ е постапка која се прави со рацете и наликува на триење 

За детално читање на овој текст, погледнете на 25 стр. во електронското издание на BETTY магазин (МАРТ 2021).