Нарцисоидноста: Меѓу фасадата на совршенството и внатрешната кревкост

Во време кога социјалните мрежи ја нормализираат постојаната потреба за внимание и потврда се чини дека нарцисоидното однесување станува сè почеста тема во психолошките разговори. Но, вистинската нарцисоидност не е само фалење или желба за внимание – таа е длабоко вкоренето нарушување на личноста што ја комплицира способноста на една личност да гради здрави односи и стабилна слика за себе.
Што претставува нарцисоидноста
Нарцисоидното растројство на личноста (Narcissistic Personality Disorder – NPD) е клиничко нарушување што спаѓа во групата на таканаречени кластер Б нарушувања, кои вклучуваат емоционално нестабилни и драматични модели на однесување.Лицата со NPD покажуваат:
Предимензионирано чувство за сопствена важност
Константна потреба за восхит
Фантазии за успех, моќ или идеална љубов
Недостиг на емпатија
Експлоатативност во меѓучовечки односи
Осетливост на критика и длабока несигурност (иако не ја признаваат)
Психодинамичка терапија – Работи на коренот на проблемот: срамот, несигурноста и раните искуства.
Когнитивно-бихејвиорална терапија (CBT) – Помага клиентот да препознае деструктивни мисловни обрасци и да развие реална слика за себе.
Терапија за развивање емпатија и односи – Поддршка во градење автентични и неексплоатативни врски.
Медикаменти: Не постои лек за нарцисоидност, но лекови може да се користат ако се присутни анксиозност, депресија или агресивност.
Поддршка за блиските: Животот со нарцисоидна личност е емоционално исцрпувачки. Затоа е важно и блиските да добијат психолошка поддршка, да научат граници и да препознаат манипулативно однесување.
Заклучок
Нарцисоидноста не е ароганција – тоа е распрснат идентитет обвиткан во маска на совршенство. Овие луѓе не се „лоши“, туку несигурни и емотивно повредени. Но, за разлика од другите нарушувања, нивната способност да препознаат сопствена одговорност е ниска – затоа најтешкиот чекор е првиот, да прифатат дека им е потребна помош.

Пишува
Горан Спасовски
Психолог