НАЧИНИ ЗА СПРАВУВАЊЕ СО ПАНИЧНИ НАПАДИ

Анксиозноста или вознемиреноста е непријатна состојба која се карактеризира со чувство на постојан страв дека ќе се случи нешто страшно.

Оваа појава е проследена со непријатна физичка напнатост на целото тело и исклучителен внатрешен немир. Овој процес не мора секогаш да доведе до паника и може да се превенира во раните фази, пред нападот да се развие во целосна мера.

Ако пронајдете начин да ја совладате анскиозноста пред да ја помине границата, нема да дојде до појава на паничен напад. Тајната е во тоа што кога првпат ќе се појави некој невообичаен симптом, би било пожелно да си кажете себеси:

„Знам што е ова, не може да ми наштети. Нема потреба да паничам, ќе помине, не е важно дали ќе добијам паничен напад, затоа што тоа веќе ми се случи и беше многу непријатно, но не ме уби". Ваквиот мисловен процес е клучен за да се спречи развојот на паничниот напад. Постојат бројни техники што можат да се применат за да се спречи развојот на паника, но не очекувајте дека ќе дејствуваат во истиот момент.

Издишете целосно и ставете хартиена кесичка преку нос и уста. Вдишете. Пробајте да ги регулирате должината и брзината на дишењето.

Најдобро е длабоко да вдишете и полека целосно да издишете. Продолжете сè додека нападот не се смири. Кога повторно го вдишувате веќе издишаниот воздух од кесичката, јаглерод диоксидот се апсорбира во крвта, ги запира симптомите и ја спречува појавата на нови. Може да почувствувате блага вртоглавица по оваа вежба, но тоа е нормално и набрзо ќе ви биде многу подобро.

Техника за дишење

Кога ќе почувствувате почетни знаци за напад на паника, како забрзана работа на срцето и задишување, вдишето колку што е можно подлабоко и задржето го воздухот.

Може ќе почувствувате дека срцето ви прескокнува, но тоа нема да ви наштети. На тој начин срцето ќе почне побавно да работи.

По 5-10 секунди издишете и продолжете нормално да дишете, 3 секунди вдишување и 3 секунди издишување.

Техника вдишување-издишување

Вдишете и кажете во себе „мир" при секое вдишување. Секое ваше вдишување нека биде доволно длабоко. Задржете три секунди и издишете говорејќи во себе „опуштање".

Важно е да го издишете целиот воздух за да го одржите нивото на кислород и јаглерод диоксид во крвта. Bo почетокот ќе биде тешко.

Инстиктивно ќе ви дојде забрзано да дишете и ако продолжите со такво дишење, ќе почнете да хипервентилирате, што ќе доведе до тоа да се забрза нападот.

Затоа продолжете да си зборувате дека ќе биде добро и пробајте да го забавите дишењето. Не вознемирувајте се доколку почувствувате несвестица или ви е тешко да се сконцентрирате.

Единствено нешто за што треба да водите грижа е вашето дишење.

Можете да ги практикувате и следниве техники кои се покажале ефикасни во справувањето со паничните напади:

Миење на лицето со ладна вода  - ова го поттикнува вашиот мозок да му прати порака на телото  да забави.

Дефокусирање на вниманието -  бројте од 100 наназад и повторете го тоа што е можно побргу.

Слушајте ја гласно омилената музика и пејте на глас.

Кажете си „ Ова никогаш не ме повреди и не ми наштети и никогаш нема. Знам што е ова и ова не претставува ништо".

Не гледајте се во огледало.

Изберете активности кои вклучуваат движење за да можете да ги подобрите дишењето и циркулацијата.

Нападот на паника во секој случај ќе се намали со практикувањето на овие техники и ќе увидите дека паниката и анксиозноста се само чувства и ништо повеќе.

За детално читање на овој текст, погледнете на 28 стр. во електронското издание на BETTY магазин (Јуни 2024).