Нискокалорични и здрави оброци на вашата трпеза

Емилија Спасовска Мојсовска
магистер по нутриционизам

|



Мои  предлози  за оброци  кои се нискокалорични,  а  може да бидат  присутни  на  новогодишната трпеза се следниве:

1.Печурки со спанаќ

Потребни состојки:

• Праз или кромид по желба


• 150 г спанаќ


• 200 г печурки


• магдонос


• лук

Начин на подготовка:

Исчистете ги и исечкајте ги печурките и ставете ги да се динстаат заедно со кромидот и празот.

Додајте го спанаќот и оставете да се динста додека печурките не ја променат бојата. Откако ќе бидат готово,  ставете врз нив ситно сечкан лук, магдонос и пола лажица маслиново масло.

______________________________________________________________________________

Бомбици од костени и чоколадо

Потребни состојки:

• 200 г пире од костени


• 50 г путер


• 2 лажички мед


• 2 лажички рум


• 100 г топено црно чоколадо


• 100 г изрендано црно чоколадо

Начин на подготовка:

Измешајте  ги костените  со  путерот, румот и медот, растопете го чоколадото, измешајте. Почекајте малку да се излади и обликувајте бомбици, па секоја извалкајте ја во изрендано чоколадо.

______________________________________________________________________________

Печена ципура со лук

Состојки:

2 парчиња ципура
сол
црн пипер
лимон
2 чешниња лук
магдонос

Начин на  подготовка:

Претходно исчистените  две парчиња од риба  се полнат  со лук, магдонос  и лимон.

Во  тавче  се  додава  маслиново масло,  се додаваат  двете парчиња риба  и се  печат на  180 степени.

______________________________________________________________________________

Пита со јаболко и цимет од 3 вида  интегрално  брашно

150 г интегрално пченично брашно

150 г интегрално јачменово брашно

150 г интегрално овесно брашно

100 мл масло за јадење

200 мл растително млеко

2 јајца

1 лажичка сода бикарбона за готвење

1 лажичка цимет

2 јаболка

1 лажица семки од сончоглед

1 лажица ленено семе

Изматете ги со миксер маслото,  јајцата и млекото, додајте  го брашното и продолжете да матите, потоа додајте ги ренданите јаболка. Целата смеса ставете   ја во плех за печење, наросете со семки од сончоглед и ленено семе и ставете ја да се пече на 180 степени 20 до 25 мин. додека не зарумени.

______________________________________________________________________________

Сурова торта  со боровинки

Потребни сосотојки:

• 400 г индиски ореви (отстоени во вода преку ноќ)


• 1 лажица сок од лимон


• 150 мл кососово млеко


• 2 лажици мед


• 200 г боровинки свежи или замрзнати


• 200 г суви урми без коска (отстоени во вода преку ноќ)


• 100 г бадеми

Начин на подготовка:

• Прво се подготвува основа на торатата – пандишпан – ставете ги урмите и бадемите во блендер за да добиете леплива смеса.

Распоредете ја смесата во тава и притиснете ја рамномерно да се распореди, оставете ја во ладнилник 15 минути.

• Исцедете ги индиските ореви и ставете ги во блендер заедно со сокот од лимон, кокосовото млеко и медот, блендирајте додека да добиете  смеса како крем, потоа прелијте ја во тавчето  врз основата – пандишпанот и рамномерно распоредете и оставете во ладилник 15 минути да се зацврсти смесата.


• Ставете ги боровинките (по избор - додајте една лажичка мед во процесорот за храна за да добиете  смеса како крем и прелијте врз филот од индиски ореви, и ставете ја во тортата најмалку 3 часа во замрзнувач.

За сервирање оставете ја тортата 15 минути на собна температура.

За детално читање на овој текст, погледнете на 26-27 стр. во електронското издание на BETTY магазин (МАРТ 2022).