Позитивни приказни – „Заедно можеме“

|

Шпенди Салија, претседател на Здружението на лица со посебни потреби „Заедно можеме“, Гостивар



Здружението „Заедно можеме“, кое постои само 2 и пол години, има спроведено многубројни проекти и активности во областа на подобрување на квалитетот на живеење, подобрување на социјалниот статус и социјална инклузија на лицата со посебни потреби, особено децата.

Станува збор за проектите: Музико-терапија и психосоцијална работилница – проект финансиран од страна на Фондација Отворено општество; Инклузија на децата со посебни потреби во спортскиот живот и др.

- Здружението беше акредитирано за набљудување на претседателските избори во 2018 год., при што набљудувачи во двата изборни круга беа самите лица со посебни потреби – членови на Здружението. Проектот беше финансиран од Општина Гостивар и од приватни компании. Здружението е сертифицирано од страна на ДИК за обучување на членовите на избирачките одбори на ниво на државата за наредните параламентарни избори (проектот е во тек).
- Организирање обука за родителите на децата со церебрална парализа во соработка со „Медикус хелп“ – обучувач проф. д-р Луијана Мудинова.
- Организирање Јавна трибина „Преку ѕидовите има надеж“ со родителите на децата со аутизам по повод 2 Април Светски ден на аутизам – предавачи; психолог проф. д-р Муса Мусаи, педијатар, примариус Ферит Муча, педијатар Баки Таравари, дефектолог Самит Грбле.
- Организирање новогодишна модна ревија за децата со посебни потреби – 2018 година.
- Две посети во Собранието на РСМ со симулација на собраниска седница од страна на децата со посебни потреби – членови на здружението (2018/2019 г.).
- Четиридневен летен одмор (64 лица) во Велипоја (Албанија) – деца со посебни потреби во придружба на еден родител, како и глуви и наглуви лица (2019 г.).
- Зимски распуст со децата со посебни потреби во скијачките центри Маврово и Попова Шапка (по 3 дена – 55 деца со посебни потреби со придружба на еден родител).
- Дводневна екскурзија во Валона (55 лица) по повод Денот на независноста на Р Албанија (2018 г.).
- Посета на Мечкин Камен – Крушево (55 лица), по повод 8 Септември Ден на независноста на Македонија.
- Учество на претставници на нашето Здружение на повеќе јавни дебати во собрански комисии за донесување закони од областа на заштитата на правата на децата со посебни потреби.
- Посета на црквата „Света Богородица“ по повод христијанскиот празник Божиќ и на Саат џамијата по повод Фитр Бајрам на децата со посебни потреби со различна етничка и верска припадност.
- Учество на Маршот „Штафета на еднаквоста 2018“ и низа други активности.



За време на пандемијата со Ковид-19, Здружението „Заедно можеме“ своите активности ги насочи кон справување со кризата, бидејќи поради вонредната состојба опадна економската моќ на семејствата на нашите членови, се отежна снабдувањето и дојде до израз чувствителноста на оваа категорија на деца од зарази. Поради тоа, организиравме дистрибуција на пакети со прехранбени, хигиенски, производи за дезинфекција, готова вакуумирана храна, како и лекарства и заштитна опрема (маски и ракавици). Нашите волонтери учествуваа на работилница за безбедно доставување помош и храна во услови на епидемија, организирана од страна на Општина Гостивар, ЦЈЗ – Гостивар и Клиниката за инфективни болести – Скопје. При доставување на помошта, нашите волонтери, лицата со посебни потреби и членовите на нивните семејства ги запознава со мерките за заштита од коронавирусот.

За детално читање на овој текст, погледнете на 15 стр. во електронското издание на BETTY магазин (СЕПТЕМВРИ 2020).