Синдром на полицистични јајчници (PCOS)

Иако точниот механизам на настанување на PCOS не е до крај познат, се смета дека генетиката и инсулинската резистенција играат голема улога. Жените со фамилијарна историја на PCOS имаат поголема веројатност да го развијат синдромот.

Дијагноза
Дијагнозата се поставува преку комбинација на:
Медицинска историја и симптоми
Хормонски анализи
Ултразвучен преглед на јајчници
Критериумите на Ротердам ги вклучуваат барем два од следните: ановулација, клинички или биохемиски хиперандрогенизам и полицистични јајчници на ултразвук.

Третман
Терапијата е индивидуализирана, зависно од симптомите и репродуктивните цели на пациентката.
Промена на животен стил – здравата исхрана и физичката активност може значително да ги подобрат симптомите, особено кај жени со вишок тежина.

Медикаментозен третман
Комбинирани контрацептивни таблети за регулирање на циклусот и хормоните
Метформин за подобрување на инсулинската чувствителност
Антиандрогени лекови за намалување на хирзутизмот
Фертилитетни терапии (кломифен, летрозол) за жени кои сакаат да забременат

Долгорочни ризици
Нелекуваниот PCOS може да води кон:
Дијабетес тип 2
Кардиоваскуларни заболувања
Метаболен синдром
Ендометријален карцином
PCOS не е само гинеколошки проблем – тоа е системско нарушување кое бара мултидисциплинарен пристап. Навремената дијагноза, редовното следење и индивидуализираниот третман се клучни за подобрување на квалитетот на живот на жените со оваа состојба.

Синдром на полицистични јајчници (PCOS): Скриениот хормонален дисбаланс
Синдромот на полицистични јајчници (PCOS) претставува еден од најчестите хормонални нарушувања кај жените во репродуктивна возраст. Се смета дека 1 од 10 жени може да биде погодена, а многу од нив остануваат недијагностицирани со години.

Што претставува PCOS?
PCOS е ендокрино нарушување кое вклучува зголемено ниво на андрогени (машки) хормони, нерегуларни менструални циклуси и присуство на повеќе цисти во јајчниците. Иако терминот „полицистичен“ може да сугерира дека станува збор само за цисти, всушност синдромот е многу покомплексен и има системски последици.

Главни симптоми:
Нередовна или отсуство на менструација
Зголемено ниво на андрогени - појава на акни, засилено влакнење (хирзутизам), губење коса
Зголемена телесна тежина или тешкотии при слабеење
Инсулинска резистенција или дијабетес тип 2
Неплодност
Депресија или анксиозност