Совети за детоксикација на телото по празниците

Новогодишните празници го претставуваат најкритичниот период кога е во прашање витката линија и здравјето на телото. Ретко кој може да одолее на вкусното месо, слатките колачи или виното, па кон средината на јануари доаѓа осветувањето поттикнато од вината и обидите да го вратите вашето тело на сцената пред празничната еуфорија.

Токму затоа, во вистински момент избравме седум совети за детоксикација на телото, со чија помош набрзо ќе заборавите на слатките искушенија на кои подлегнавте.

ОТСРАНЕТЕ СЕ ШТО ВИ ЈА БУДИ ЖЕЛБАТА

Најлесно е да ги исфрлите сите останати храна и пијалоци од дома по празниците, или уште подобро, да ги повикате пријателите на вечера. Нема да има ништо што ќе ве искушува следниот ден, а секако е многу полесно кога не е пред вас.

ПРАВЕТЕ УТРИНСКИ ВЕЖБИ

Обидете се да правите лесни вежби за истегнување и дишење секое утро. На овој начин на телото ќе му обезбедите поголема количина кислород. Јогата е исто така одлично средство за прочистување на телото. Заедно со вежбите можете да пуштите и некоја музика, која дополнително ќе ви помогне да се опуштите.

КАКО ДА ЈА СПРОВЕДЕТЕ ДЕТОКСИКАЦИЈАТА?

За правилна детоксикација на организмот не се потребни строги диети – доволно е да ги следите насоките за здрав начин на живот. Тоа вклучува внесување повеќе течности, најмногу вода, чаеви и природни сокови. Одбегнувајте кафе, алкохол, енергетски и газирани пијалоци. Важно е да се истакне дека детоксикацијата не значи изгладнување или прескокнување оброци, туку баш спротивно.

Треба да јадете повеќе, но помали и полесни оброци во текот на денот, што вклучуваат повеќе свежо овошје и зеленчук, особено зелјести растенија и мешунки. Не заборавајте на физичката активност – преку потење ќе ги исфрлите токсините насобрани во вашиот организам. Прошетка со забрзано темпо во траење од 30-40 минути е најмалку што може да направите за вашето тело. Не ја заборавајте негата на кожата. Одморете ја од парфимираните гелови за туширање и млека за тело и изберете органски сапуни и природни пилинзи со кои ќе ја обновите кожата и ќе ја подготвите за промената што ќе ѝ се случи и од внатре. За добро здравје, покрај здраво тело, потребен ни е и здрав и спокоен ум. Одвојте време за
истегнување, длабоко дишење и медитација во денот, посветено само на тоа во мирен и хармоничен простор.

БИДЕТЕ ПОДГОТВЕНИ

Одлучете каков тип на детоксикација сакате да правите, без разлика дали тоа е детоксикација со сурова храна, овошје, сокови, важно е да направите план до кој ќе се придржувате.
Покрај тоа, клучна ставка е големата количина на вода што ќе ја внесувате дневно.

ЈАДЕТЕ ОРГАНСКА ХРАНА

Обидете се да обезбедите што повеќе органска храна во фазата на детоксикација. Во случај да купувате овошје и зеленчук испрскани со пестициди и други хемикалии, погрижете се добро да ги измиете пред да ги подготвите оброците.

КОРИСТЕТЕ ПРИРОДНА КОЗМЕТИКА

Обидете се да користите природни или органски сапуни, шампони, регенератори и избегнувајте лосиони за тело и лосиони кои се полни со токсични хемикалии. Користете маслиново, кокосово или бадемово масло ако вашата кожа е сува, или прескокнете ја хидратантните креми и само оставете ја да дише.

ОДЕТЕ НА МАСАЖА

Масажата ќе ви помогне да ја ослободите сета напнатост од телото, а со тоа ќе го подобрите планот за детоксикација.

За детално читање на овој текст, погледнете на 04-05 стр. во електронското издание на BETTY магазин (Јануари 2023).