Чекор повеќе – Дури и краткото пешачење е подобро од непешачењето

|



Пешачењето игра огромна улога за вашето здравје и влијае позитивно на повеќе делови во вашето тело.

Дури и краткото пешачење е подобро од непешачењето.

Експертите велат: „Дури 30 минути пешачење дневно е исклучително корисно за човечкото тело. Светската здравствена организација им препорачува на возрасните да пешачат најмалку 2,5 часа неделно“.

Еве само неколку придобивки од редовното пешачење:

• Пешачењето го прави срцето посилно, бидејќи тоа пумпа повеќе крв и ја регулира циркулацијата.


• Ги зајакнува вашите коски и ја намалува можноста за појава на остеопороза во напредната возраст.


• Го намалува нивото на холестерол во крвта.


• Го намалува високиот крвен притисок.


• Пешачењето ги намалува стресните хормони како што се адреналин и кортизол.


• Го забрзува вашиот метаболизам.


• Редовното брзо одење или џогирање делува позитивно на белите дробови и овозможува да дишете подобро.


• Ја зголемува отпорноста на вашето тело против заразни болести како што е настинката.


• Пешачењето го зголемува нивото на серотонин и ендорфин во вашето тело, со што се чувствувате посреќни.


• Бидејќи на природен начин се регулира нивото на инсулин, ви дава чувство на ситост.


• Честото пешачење ќе направи да спиете подобро и ќе го подобри квалитетот на вашиот сон.


• Пешачењето прави да имате поубава и поздрава кожа.


• Бидејќи редовното пешачење овозможува ослободување природни хемикалии кои ја ублажуваат болката, ќе се намали појавата на мигрена или главоболка.


• Со пешачењето можете да ја контролирате вашата тежина.


• Оваа активност ви овозможува контрола над вашата телесна тежина. На пример, доколку имате 70 кг и практикувате брзо одење половина час, ќе потрошите приближно 150 калории. Со други зборови, при редовно пешачење месечно може да изгубите дури и до 3 килограми.


• Бидејќи пешачењето делува позитивно на вашите когнитивни способности, тоа ве заштитува и од појава на болести како деменција, депресија или, пак, Алцхајмер.


• Џогирањето го зголемува бројот на црвени крвни клетки и ги прави крвните садови поеластични.


• Вашиот црн дроб полесно ги отстранува токсичните материи од вашето тело.

Редовното пешачење го одложува стареењето и го продолжува животниот век. Истражувањата покажале дека луѓето кои пешачат по 20-25 километри неделно, живеат подолго од оние кои не пешачат.

Сепак, доколку пешачењето за вас претставува начин со кој  сакате да ја намалите вашата телесна тежина, треба да обрнете внимание на тоа што јадете и да ги контролирате калориите во овој процес.

Важен е начинот на пешачење

При одење, треба да обрнете внимание на држењето на телото. Треба да одите исправено, без навалување наназад или напред; само на овој начин ќе се осигурате дека секој дел од вашето тело е подеднакво активен. Позицијата на рацете, исто така, е важна, бидејќи тие ја зголемуваат вашата сила и да го балансираат движењето на стапалото при одење. Движењето на рацете, исто така, ви овозможува да согорите дополнителни 5-10 калории. Рацете никогаш не треба да бидат стегнати во форма на тупаница, што ќе овозможи редовен проток на крвта во телото.

За детално читање на овој текст, погледнете на 4 стр. во електронското издание на BETTY магазин (ОКТОМВРИ 2020).