Енергичен и здрав појадок

Емилија Спасовска Мојсовска
магистер по нутриционизам

|



Нашето тело во утринските часови има најголема потреба од енергија и надополнување на резервите, поради тоа е важно да внесеме нутритивно квалитетна храна која на правилен начин ќе го одржи организмот витален и здрав, затоа велиме дека утринскиот оброк треба  да биде најважниот оброк во денот.

Витамините, минералите, протеините, јаглехидратите и антиоксидантите треба да бидат составен дел не само за појадокот,  туку и во текот на целиот ден.

Многу често луѓето се прашуваат кој оброк би можел да биде лесен за подготовка, да биде здрав и корисен,  притоа да не ја наруши телесната тежина.

Моите  предлози за утрински оброци кои брзо се подготвуваат и имаат благотворно дејство на организмот  се следните:

1. Протеинско смути

• 1 банана


• 3 до 5 јајца од потполошка


• 1 лажица какао


• 1 лажица рогач


• 1 лажица мед


• ½ авокадо


• 200 мл оризово млеко


• 80 г црвени шумски плодови (вишни, цреши, рибизли)

Оваа комбинација на протеински  оброк подготвен во блендер ќе му обезбеди доволно енергија на организмот и ќе ја обезбеди  потребната количина на витамини и минерали.

1. Овесна каша со ленено семе, урми и бадеми

За овој оброк се потребни:

• 80 г овес во зрно


• 150 мл растително млеко


• 1 лажица ленено семе


• 4-5 суви урми


• 50 г бадеми


• 1 лажичка маџун или мед

Сварете го овесот на тивок оган, откако ќе се свари додајте го млекото и оставете го да отстои 5-10 минути, потоа додајте ги лененото семе, урмите, бадемите и медот и кашата е подготвена.

Оваа каша  ги обезбедува потребните дневни колични на витамини минерали, како и  растителни влакна.

1. Каша од киноа и тиква

• 80 г киноа


• 2 парчиња варена тиква


• 1 лажица мед


• 1 мала лажичка цимет


• 50 г сечкани ореви


• ½ лажичка рендан ѓумбир

Ставете ја киноата да се вари на тивок оган, откако ќе се свари оставете ја да се излади, потоа додајте ја претходно сварената тиква, измешајте убаво и додајте ги медот, оревите и ѓумбирот.

Овој појадок  богат со антиоксиданти, витамини и минерали ќе му обезбеди на телото доволно енергија  и ќе му помогне во процесот на исфрлање на токсините.

За детално читање на овој текст, погледнете на 30-31 стр. во електронското издание на BETTY магазин (НОЕМВРИ 2021).