Како мастите од скара влијаат на варењето – експертски осврт на метаболичките последици

Летото е период на дружење, излети и – секако – скара. Иако уживањето во вкусно месо на жар е дел од нашата традиција, ретко размислуваме што точно се случува во нашиот организам откако ќе внесеме големи количини масти, особено термички обработени на високи температури.

При подготовка на храна на скара, мастите се подложуваат на пиролиза – процес на термичко разложување на органски соединенија без присуство на кислород. Овој процес создава соединенија како полициклични ароматични јаглеводороди (PAHs), кои не само што го оптоваруваат црниот дроб и дигестивниот систем, туку во поголеми количини може да бидат и канцерогени.
*Зошто мастите од скара тешко се варат?*
Мастите, особено заситените, бараат значајна количина жолчка и ензими за нивна разградба. Кога внесот е преголем или варењето е забавено – како што е случај кај луѓе со жучни камења, масен црн дроб или нарушена функција на панкреасот – тие остануваат недоволно обработени. Последиците? Подуеност, надуеност, гасови, горење во желудникот, мачнина и чувство на тежина по јадење.

Фактори што го влошуваат варењето масти
Комбинирање скара со бел леб, мајонез или газирани пијалаци
Недоволно внесување вода и свежа храна богата со растителни влакна
Недостиг на физичка активност по оброк
Претходно постоечки дигестивни нарушувања

Превентивни совети
1. Пред оброк земете билни капсули со дигестивни ензими или екстракт од артичока, кој помага во лачење жолчка
2. Комбинирајте го месото со салати богати со лимон, рукола или рен за подобра дигестија
3. Чај од камилица, ѓумбир или нане по оброк делува смирувачки на гастроинтестиналниот тракт
4. Пробиотици и пребиотици треба да се внесуваат редовно за здрава цревна флора

Во мојата практика, најчестите пациенти летно време доаѓаат со симптоми како болка под десното ребро, подуеност или горење – а во повеќето случаи, предизвикани се од тежок оброк на скара. Затоа, препорачувам умереност и свесен избор на храна. Варењето започнува уште со тоа што ќе го одбереме да го внесеме.

Здравјето не значи целосно одрекување, туку балансирање на уживањето со знаење.

 

Пишува
Тања Величковска
Доктор по општа медицина