Зошто се вели „ден Д“

Изразот „ден Д“ се користи како ознака за некој важен датум, пресврт, односно за момент кога се донесуваат битни одлуки. Прв пат е употребен во Втората светска војна, кога Сојузниците извеле десант во Нормандија, од 6 јуни до 30 август 1944 година. Подготовките за овој најголем десант во историјата се вршени во огромна тајност, а денот на почеток е означен со шифрата „Д“ (од англискиот збор day што значи ден). Така во англискиот јазик настанал изразот day-D (ден Д), а неговата употреба со текот на времето се проширила.