BETTY магазин, Февруари 2018

[vc_column width="1/2"][mk_image src="https://betty.mk//wp-content/uploads/2018/02/betty_mk_februar_no48-web-1.jpg" group="_general" margin_bottom="0" crop="false"][vc_column width="1/2"]СО СМЕЕЊЕ ПРОТИВ РЕАЛНОСТАМегапопуларната серија „Андрија и Анѓелка“секојдевно носи насмевки и во домовите на македонските граѓани. Телевизиската серија која бележи огромна гледаност, гледачите ги намами преку случките на симпатичниот пар Андрија и Анѓелка. Главните ликови на серијата секојдевно низ хумор ги прикажуваат машко-женските односи, пресликани во ситуации во кои може секој гледач да се препознае. Ексклузивно за BETTY, во пауза од снимањето на нови епизоди, Андрија и Анѓелка...

BETTY: Кога почнавте со серијата „Андрија и Анѓелка“ дали очекувавте толкава популарност?

Верував во успех, а за самата популарност искрено не размислував. Бев сигурна дека таа вечна актуелност машко-женски односи, љубов и неразбирање во тие односи, како и цела мрежа на односи кои го следат еден пар, склопена во кратка форма, со остроумен хумор во кој се поигруваме со табуа и работите ги нарекуваме со вистински имиња мора да биде успешна.

Верував во успехот на серијата од самиот почеток, поточно од пилот-епизодата, снимена  уште пред три години. Па поради тоа резултатите од гледаноста не ме изненадија премногу, а, секако, дека многу ме израдуваа, зашто така стигна и конечната потврда дека тоа што го работиме е добро. Веќе многу пати сум изјавил дека верувам оти за тоа, пред сè, е заслужен добриот текст, хуморот кој е директен, ефектната форма, како и ситуациите од животот и ликовите. Секако, се поклопија многу работи, но суштински не можеме никогаш со сигурност да знаеме што било пресудно.

BETTY: Колку имаше Ваши случки во епизодите и колку, всушност, импровизиравте на снимањето?

Атмосферата на снимањето беше одлична. Ние сме веќе толку  навлезени во таа приказна, што ништо не ни беше непознато, екипата одлично функционираше и од таа целокупна позитивна енергија на самото снимање доаѓаше и до бројни импровизации.

Верувам дека сите веќе знаат дека станува збор за адаптација од светски познато сценарио и дека тука постојат дадени рамки  до кои моравме да се придржуваме. Но, секако, дека имавме можност за импровизација и одредена слобода во креирањето на своите ликови. Таа слобода е поголема во онаа мера во која ние сме посигурни во нив, колку подобро ги познаваме. Оној момент кога ќе ги фатите цврсто ликовите кои ги играте и знаете во кое било време од денот и ноќта како би реагирале, тој момент вие имате можност и да импровизирате, да адаптирате, да додадете свој печат и на ликот, но и на самата ситуација во која играте.

BETTY: Се случуваше ли често, поради смеење, дали Ваше или од луѓето зад камерата, да моравте да повторувате некои сцени?

Сопствениците на лиценцата, односно идејните творци на овој формат, Канаѓани, напишале, меѓу другото, како едно од правилата на снимањето и најважен совет до екипата која се впушта во оваа авантура: „Ако екипата на сетот не се смее толку што барем еднаш дневно ќе имате поради тоа повеќе од шест дубла, не сте на добар пат“. Судејќи според ова, ние ги надминавме учителите.

Се случуваше, секако. Тоа самото снимање го правеше така возбудливо. Гледачите можат да видат делови од тоа  и на Фејсбук страницата на нашата серија и нашиот Јутјуб канал. И судејќи по реакциите и бројот на прегледите, тие „behind the scenes“ ситуации посебно ги забавуваат.

BETTY: Чија беше идејата серијата да се нарече по Вас и како реагиравте на тоа?

Идејата произлезе од нашите продуценти Зоран Поповиќ и Филип Ѓориќ. Тоа беше работно име додека го снимавме пилотот, зашто таа пракса, по глумците да се нарекуваат и ликови и серии, постоела веќе во некои земји каде што ова сценарио е адаптирано. Подоцна во игра биле уште некои предлози, но тие двајца пресекле и одлучиле да остане вака како што е.

Да, идејата произлезе од нашите продуценти. Се согласив со предлогот, зашто слична пракса во некои други адаптации во светот се покажала како добро решение.

BETTY: Ви се случува ли луѓето да мислат дека сте вие пар и во вистинскиот живот и како реагирате на таквите ситуации?

Понекогаш. Ама веќе се навикнав дека луѓето често знаат да донесат погрешни заклучоци и не се возбудувам премногу околу тоа.

Сè поретко. Луѓето, поради нашето интензивно појавување во медиумите, запознаени се и со нашите приватни животи, па знаат дека јас сум во брак, а Андрија веќе повеќе години во врска.

BETTY: Колку е напорно да се работи еден ваков проект и како изгледа денот кога се снима?

Темпото на снимање е навистина жестоко, поинтензивно од сè што досега сум работела. Сепак, уиграноста на целата екипа, дисциплината која сите ја почитуваме, иако многу се забавуваме и смееме на снимањето, го прават тој процес да биде успешен во крајниот резултат. Секако дека постојат и денови и сцени кога нешто оди побавно или, пак, побрзо, од најразлични причини, но токму тоа е она што самото снимање и предизвикот на глумата и нашата работа генерално ги прави така возбудливи.
Секое снимање бара човек да се посвети и физички и психички, ако му е важен резултатот. Овде е најголем, да речеме проблем, што снимаме од ден во ден, по цел ден, веќе со месеци, со малку пауза. Сепак, живеам во реален живот и многу сум свесен колкава привилегија е денес да се работи тоа што го сакате, така што, пред сè, можам да кажам дека сум среќен човек.

BETTY: Со епизодата од Словенечка граница дефинитивно ја „купивте“ публиката. Која епизода Вам лично ви е најдрага, или најсимпатична?

Ние веќе толку многу снимивме што јас, искрено да ви кажам, немам поим кој скеч од која епизода е. Ние уживаме додека работиме, а гледачите нека ги бираат своите фаворити.

Уф, навистина не можам да одредам некој свој фаворит.

BETTY: Колку е тешко една канадска приказна „да се преведе“ и да се адаптира за нашето подрачје, знаејќи ја различноста на хуморот овде и таму?

Па не знам колку е тешко, сето тоа е еден процес во кој многу фактори имаат своја улога. Имавме добра појдовна основа, еден прекрасен текст и интересен формат со јасни правила. Судејќи по тоа како серијата добро се „прифати“ кај нашата публика, секој својот дел од работата го направил како што треба. Добро е направена адаптација на текстот, а верувам дека Андрија и јас, со целата екипа која учествува во реализацијата, добро ги одигравме своите задачи.

Успехот на оригиналното сценарио, кое е адаптирано во 27 земји ширум светот, вклучувајќи ја и нашата верзија, лежи токму во тоа што во основа е толку универзално, па со него луѓето лесно можат да се идентификуваат, без разлика каде живеат. Секако, убавината ја прави и тој момент на адаптација, со кој, имајќи го во вид обележјето од локалниот менталитет, целата приказна уште повеќе ѝ се приближува на публиката. Тоа и не е така лесно, но е предизвикувачки, како за луѓето кои ја работат адаптацијата на сценариото, така и за нас кои играме.

BETTY: Постои ли можност од серијата да настане и претстава, па некои од случките да ги видиме и на театарската сцена?

Постојат разни можности. Ама за сето тоа кога ќе дојде време.

Ќе видиме.

BETTY: Поради што сè повеќе глумци бараат работа на телевизија?

Затоа што би било глупаво глумците да бараат работа во хидроелектрани (се смее).

Затоа што на сите, колку и да сме уметнички души, ни треба и она „сигурност од постојан ангажман“ за на момент да престанеме да размислуваме ќе се сети ли некој дека постојам и ќе ме викне ли на аудиција...

BETTY: Во која ситуација сте доживеале најголемо бламирање пред камерите?

Последните две години многу време поминав работејќи емисии кои се емитувани во живо, па мислам дека е многу веројатно дека не сум ни свесна за сите свои бламирања. Не му робувам на тој притисок, ама затоа, ако сум свесна за грешката, ќе се пошегувам на своја сметка.

Не сум ги имал, барем така ми се чини. Односно, сигурно имало, но не се сеќавам. . Бламирањата инаку ги сакам и можам да се смеам и самиот на себе. Сè е тоа за луѓе.

BETTY: Како најдобро се одморате?

Кога патувам. Тоа ме опушта.

Гушната со синот и сопругот. Или во када со своите мисли и по некоја мирислива свеќа.

BETTY: Дали сте повеќе филмофил, или љубител на книги?

Кога сум дома филмови, на пат книги.

Јас преферирам книги.

BETTY: Омилен филм на Анѓелка?

„Трумбо“ со генијалниот Брајан Кренстон.

BETTY: Омилена книга на Андрија?

Мајсторот и Маргарита.

BETTY: Кој музички жанр го преферирате, има ли и Анѓелка афинитет кон музиката како Андрија?

Музиката е како некаква магија која го пополнува просторот и има моќ и на тривијалниот момент да му даде посебна магија. Важно е музиката која ја слушам да буди некаква емоција во мене, жанрот е неважен, па така и мојот избор доаѓа од Јадранка Стојаковиќ до Duffy.

BETTY: Омилена локација за одмор и во кое годишно време најмногу сакате да патувате на одмор?

Патувам кога сум слободен и не ми е важно кое годишно време е.

Италија во пролет.

BETTY: Кое е мотото кое Ве придвижува?

Ме придвижуваат луѓето. Зборовите се моќни ама само кога ги кажуваат вистински луѓе.

Немам таков вид на мотивација. Мене ме движи животот, а јас сакам да живеам.

 

[mk_image src="https://betty.mk//wp-content/uploads/2018/02/app.jpg" image_size="full" align="center"]