АПТЕКАРСКО ЛЕКУВАЊЕ СТОМАЧЕН ВИРУС

Најчеста летна тегоба

 

До инфекција често доаѓа како резултат на контакт со вирусот преку валкани раце или консумирање храна или вода контаминирани со фекална содржина.

 

Автор Душан Гољиќ

м-р по фармација

 

Почнува како лесна треска која се спушта низ ’рбетот и го зафаќа абдоменот. Прво личи на настинка, бидејќи обично се јавува малку покачена температура. Проследена е со чувство на непријатност во стомакот кое преминува во стегање, што има за последица мачнина. По неколку часови исклучително непријатно чувство го зафаќа стомакот, придружено со грчеви и гасови, што подоцна може да се манифестира како гадење на храна и вода, нагон за повраќање, а обично се јавуваат и тешки, зачестени водени дијареи.

 

Кај пациенти кои инаку немаат хронично заболување на дигестивниот тракт, овие симптоми се опишуваат како акутен вирусен гастроентеритис, заболување попознато под називот стомачен вирус. Лекувањето стомачен вирус подразбира комбинирана употреба на препарати кои дејствуваат на предизвикувачот (каузална терапија), како и на последицата (симптоматска терапија) на инфекцијата. Како прва линија се препорачува земање детоксиканти, т.е. препарати кои ги апсорбираат токсичните остатоци на вирусниот метаболизам во дигестивниот тракт и го чистат. Супстанциите како што се симетикон или активен јаглен се добри интестинални адсорбенти и се покажале како ефикасни во пракса како средства за брзо олеснување тегоби. По употребата на овие средства не се препорачува земање други лекови во текот на следниот час.

 

Со оглед на тоа дека доаѓа до дисбаланс на цревните микробиотици, индуцирано е земање пробиотици. Се препорачува употреба на пробиотици кои содржат бактериски соеви Lactobacillus, во комбинација со пробиотик на база на габата Saccharomyces bulardii.

 

Најсериозна компликација на стомачните инфекции е дехидратација. Се препорачува употреба на орални рехидратациски системи (ОРС). Тоа се сложени препарати кои содржат точно избалансиран однос на минерали и шеќери, кои се земаат орално. Кај интензивна дијареја е индицирана употреба на антидијареици, лекови против дијареја, како што се лоперамид или нифуроксазид.

 

Главни виновници

Најчести предизвикувачи се Ротавирус или Норовирус кои ги користат ензимите на дигестивниот тракт за свој опстанок, и го пореметуваат нормалното варење. Инфекцијата трае од 7 до 14 дена, а акутните симптоми сами поминуваат во период од 2 до 5 дена.