Арктик како Флорида

Пред 90 милиони години на ледениот Арктик било топло како што е денес на Флорида, а се случувале и вулкански ерупции. Доказ за тоа се пронајдените фосилни остатоци од праисториска птица во тоа подрачје за која е утврдено дека е далечен предок на сегашните морски птици. Истражувачот д-р Џон Тардуно од Универзитетот Рочестер вели: „Птицата е веројатно хибрид од големиот галеб и корморан, но имала заби.“ Со анализа на коските е утврдено дека арктичкото опкружување во кое овие праптици живееле бил мирен слатководен залив, дека забите им служеле за фаќање на пленот, а температурите на воздухот биле околу 28 Целзиусови степени.