Средоземје

До 2030 година ќе биде изедначен односот на рибите и пластиката во Средоземјето. „Во овој момент, на секои три килограми уловена риба доаѓа еден килограм пластичен отпад“, вели Гарсија-Хераис од Здружението за заштита на Средоземјето. Загадувањето најмногу е предизвикано од пластични кеси и шишиња, кои бавно се разградуваат и се претвораат во микропластика која не ја менува хемиската структура, а која потоа ја јадат рибите  –  така овие материи влегуваат во синџирот на исхрана кој ги погодува и луѓето. Според извештајот на организацијата Гринпис, 96 насто од отпадот кој лебди во Средоземјето е пластика, која ја има и на длабочина од 3000 метри.