Ефект на набљудувач

[vc_column width="1/1"]Во 1964 година се случило страшно убиство на Кити Ѓеновезе од Њујорк, која била избодена на улица додека од прозорецот таа страшна сцена ја набљудувале нејзини 38 соседи. Тоа ги поттикнало психолозите да се обидат да објаснат зошто никој не ѝ помогнал. Психолозите развиле хипотеза за „ефектот на набљудувач“, која е потврдена со експеримент во 1968 година. Испитаниците, некои сами, а некои во групи, биле оставани во соби кои ненадејно почнале да се полнат со чад. Се покажало дека оние кои биле сами побргу го пријавувале чадот од оние кои биле во групи. Со други зборови, кога се присутни повеќе луѓе секогаш се очекува дека некој друг ќе помогне, па затоа поединецот не прави ништо.