Интелигенција кај децата

Студија на Универзитетот во Финска, во која било вклучено 161 дете на возраст од 6 до 8 години, а научниците ги следеле од прво до трето одделение во основно училиште, покажала дека здравата исхрана драматично влијае на нивото на интелигенција кај децата. Децата кои во првите три години од школувањето јаделе зеленчук, овошје, риба и интегрални житни растенија остварувале подобри резултати во школските задачи од останатите врсници. Квалитетот на нивната исхрана е анализиран со помош на дневник на исхрана, а успехот во училиште со стандардизирани тестови. „Резултатите на студијата не се поврзани со социјалниот статус на ученикот, физичката активност и градбата. Релевантноста на резултатите е поврзана исклучиво со здрава исхрана“, вели доктор Еро Хапала, и објаснува дека „здравата исхрана се покажала како важен фактор во учењето и когнитивните способности кај децата“.