Фармацевти
Контакт

<< Назад

ИСХРАНА ВО ЛЕТНИТЕ ДЕНОВИ

јули 1, 2019

Лесно, здраво, вкусно

Топлите денови се идеален период од годината за преминување кон поздрав режим на исхрана, приспособен на надворешните временски услови.

Автор Билјана Божовиќ

Подолгиот период на дневна светлина во текот на летните денови, во комбинација со високите температури, доведува до биохемиски промени во нашиот организам. Размената на материи во рамки на метаболистичките процеси се забрзува, кислородот полесно доаѓа до клетките, а како последица на тоа вкупните енергетски побарувања на организмот се намалуваат. Од друга страна, при зголемено потење доаѓа до загуба на течност и електролити, што може да доведе до низа проблеми предизвикани од дехидратација.

Помалку калории, повеќе течности
Зеленчукот како краставици, домати и пиперки содржи доста вода, така што со негова консумација ја надоместуваме и изгубената течност. Кинеската традиционална медицина ги става краставиците, доматите и јогуртот во намирници кои го ладат организмот. Во истата група спаѓаат и спанаќот, зелената салата и цвеклото. Разнобојните растителни пигменти (бета-каротин, ликопен) имаат антиоксидативна улога која ни помага во заштитата од сонце. Добар извор на овие супстанции се праските, кајсиите, морковот, доматот и зелениот лисест зеленчук.
Би требало да се избегнува алкохол, зашеќерени газирани пијалаци и кафе. Жедта можеме да ја изгаснеме со вода и незасладени растителни чаеви, а наместо кафе подобро е да се испие шолја зелен чај. Пиењето топли напитоци, како чај, ќе доведе до разладување на организмот, додека не би требало да пиеме ледено студени течности со оглед на тоа што тие само привремено даваат чувство на разладеност.

Повеќе помали оброци во текот на денот
Исто така, би требало распоредот на оброци да го приспособиме на летните денови. Најдобро е денот да се започне со ран појадок составен од интегрални житни растенија. Порциите не треба да бидат преобилни, бидејќи тоа ќе нè забави и успие. Подобро е да се има повеќе оброци во текот на денот, барем 6 до 7. Овошната ужина ќе ни даде дополнителна енергија, а ќе нè снабди и со витамини и минерали. За ручек е добро да се изеде лесна супа од зеленчук, со немасно месо, како што е пилешко или мисиркино на скара. Обарената риба и зеленчук се одличен избор за вечера, која не би смеела да биде и премногу доцна (најдобро околу 18 часот). Салати со маслиново масло и малку сирење, со парче интегрален леб, може да бидат посебен оброк кој ќе нè држи сити неколку часа, а нема да ни ја одземе работната енергија.

Планирање оброци
При правењето списоци за купување храна, добро е да се испланираат оброците за наредните два-три дена. Не се препорачува набавка на поголеми количини намирници одеднаш, бидејќи тие со долготрајното стоење во фрижидер ги губат своите хранливи состојки. Подобро е да се купат свежи и така да се искористат сите предности кои ги имаат.

ДИЕТАЛЕН КАЛКУЛАТОР

Со помош на долниот калкулатор можете на брз и едноставен начин да ги испланирате вашите дневни оброци

Дознај повеќе >>

МЕСЕЧЕН ХОРОСКОП

Дознајте го хороскопот за тековниот месец.

Дознај повеќе >>