Клонирање домашни животни

Од кога во 1996 година во Шкотска е клонирана овцата Доли, која е евтаназирана во 2003 бидејќи боледувала од артритис и болести на белите дробови, клонирањето домашни животни продолжило во САД, Аргентина, Бразил, Канада и Австралија, а во Кина минатата година е најавено и градење фабрика за клонирање. Американската администрација за храна и лекови (FDA) пред осум години одобрила комерцијално производство на клонирани животни и нивното потомство, со што најмногу се занимаваат приватни компании заради подобрување на генетските вредности, со не баш славен успех, бидејќи само 15-30 насто од вкупниот број обиди за клонирање имаат позитивен ефект. Европа и понатаму се спротивставува на клонирањето.