MSM – Природна состојка која ги чува зглобовите и ги намалува болките

|

д-р Нела Деспотовска



Подобрете ја подвижноста и здравјето на зглобовите! Малите промени водат кон големи резултати. Болките, намалената флексибилност и грчевите нека бидат минато. Дознајте повеќе за MSM (Methylsulfonylmethane) – природна состојка која ги чува зглобовите и ги намалува болките.

Човековото тело има повеќе од 100 зглобови кои секојдневно се изложени на голем стрес. Во согласност со статистичките податоци, болестите на коскено-зглобниот систем се едни од  најчестите причини за посета на доктор во нашата земја и ширум светот. Причините за оваа појава се должат на современиот нездрав начин на живот.

Кои се причините за оштетување на зглобовите?

Најчестите причини за оштетување на зглобовите се:

• напорни спортски тренинзи


• прекумерна телесна тежина


• седечки начин на живот


• неправилна положба при одење, стоење или седење


• различните рекреативни спортови кои ги оптоваруваат зглобовите.

За жал, речиси никој од нас не посветува внимание за да ги зачува зглобовите здрави што подолго време и не презема мерки додека се здрави и обезбедуваат безболни движења. Притоа, ако не ги храниме и не ги чуваме соодветно, со текот на времето или во подоцнежните години како резултат на трошењето на зглобовите ќе се јават симптоми. Тоа се болки при движење, отоци и затегнатост на мускулите.

Со годините прифаќаме дека коските и зглобовите постепено стануваат послаби и почувствителни, но едно неодамнешно истражување кое го реализирале британските стручњаци покажало дека зглобовите стареат побрзо од останатите делови на телото. Со истражувањето биле опфатени 13 000 луѓе, а било утврдено дека зглобовите се постари за 12 години од реалната возраст.

Што е MSM и за што помага?

MSM (Methylsulfonylmethane) е сулфурно соединение кое природно е присутно во многу мали количини во овошјето, зеленчукот, зрната, производи од животинско потекло и некои алги. Најчесто се среќава во свежата храна, но при готвењето на храната количината на MSM значително се намалува.

Соединенијата на сулфур ги има во сите клетки на телото и се неопходни за живот. MSM, во неговата улога во циклусот на сулфур во телото, помага да се создадат хемиски врски неопходни за формирање и одржување  бројни различни видови на структурни ткива на човечкото тело, вклучувајќи ги и сврзните ткива, како што се артикуларната ʼрскавица и кожата. Значаен е за:

• Здравјето на зглобовите


• Обезбедува сулфур за зглобовите за сврзното ткиво


• Го поддржува здравјето на ʼрскавицата.

Поттикнува флексибилност на зглобовите, ткивата и крвните садови. Го разбива насобирањето на калциум фосфат, кој е главен предизвикувач на многу дегенеративни и кардиоваскуларни болести. MSM има големо влијание во решавање на нефлексибилни зглобови. Нефлексибилноста на зглобовите е тесно поврзана со акумулација на „лоши“ форми на калциум (калциум фосфат, калциум карбонат) во зглобовите. MSMдекалцифицира, т.е. го разбива насобирањето на „лошиот“ калциум во зглобовите, ткивата и крвните садови претворајќи го „лошиот“ калциум во калциум цитрат, кој е растворлив и лесно се излачува од организмот.

Покрај тоа MSM има и други бројни придобивки, но најзначајна е способноста за обновување на сврзното ткиво и можноста за намалување на болките предизвикани од воспаленија. Позитивно влијание:

• го забрзува процесот на мускулно заздравување и ги намалува симптомите на воспаление на мускулите


• ги ублажува симптомите на алергија


• го подобрува имунитетот


• го подобрува квалитетот на кожата, ги намалува акните, ја подобрува косата поради зголемена концентрација на кератин


• ја зголемува концентрацијата на глутатион кој дејствува антиоксидативно и го намалува стресот


• помага при Алцхајмерова болест


• помага при артритис


• ја подобрува циркулацијата


• помага при главоболка и мигрена.

Во денешно време MSM добива сè поголема популарност како природна состојка која помага за намалување на болките, а не предизвикува несакани дејства.

Кои лица имаат потреба од суплементи за зачувување на зглобовите?

Ако имате болки во зглобовите, колената, половината, грбот и рацете, ви препорачуваме да користите MSM. Исто така, лицата кои вежбаат или секојдневно се изложени на различни физички напори им се препорачува да земаат суплементи кои ги чуваат и ги регенерираат зглобовите.

За детално читање на овој текст, погледнете на 18-19 стр. во електронското издание на BETTY магазин (АПРИЛ 2020).