Музеј на кобасица

Најпозната брза храна во Берлин е кобасица со кари која Германците ја нарекуваат каривурст. Годишно само во тој град се сервираат дури 70 милиони порции од тој специјалитет. Кобасицата со кари има и свој музеј во Берлин (Deutsches Currywurst Museum) кој работи од 10 до 18 часот, а со влезницата се добива и порција каривурст. Писателот Уве Тим во книгата „Пронаоѓање на каривурстот“ вели дека таа кобасица е родена во Хамбург, но со него не се согласува кустосот на Музејот на каривурст, Мартин Левер: „Каривурстот настанал некаде на друго место, но патентот за сос е пријавен во Берлин.“