Железото е есенцијален минерал и главната причина поради која ни е потребен е обезбедување нормален транспорт на кислород во телото.
Железото е составен дел на голем број протеини, вклучувајќи ги хемоглобинот, миоглобинот, цитохроми и ензими вклучени во редокс реакции. Речиси две третини од железото во организмот се наоѓаат во хемоглобинот во еритроцитите. Околу една четвртина од железото во организмот се наоѓа во лесно метаболните резерви, како феритин и хемосидерин во црниот дроб и ретикулоендотелниот систем. Останатото железо е во миоглобинот на мускулното ткиво и во различни ензими потребни за оксидативните метаболни процеси и други функции на клетките.
Препорачаното дневно внесување на железо кај возрасни лица е 14 mg.
При недоволен внес на железо, човечкото тело не е во можност да обезбеди нормалнo формирање на „кислород-пренесувачките“ црвени крвни клетки и хемоглобин, што се манифестира со различни степени на недостиг на железо.
Дефицитот од железо е најчест нутритивен недостиг во светот.
Често луѓето не знаат дека имаат недостиг од железо, сè додека не се појават интензивни знаци или симптоми – тие се со „нездрав изглед“, бледи, хронично исцрпени и заморени.
Човечкото тело не може да го синтетизира железото и затоа треба да се внесува со храната и/или преку додатоци на исхраната, а во случај на поголеми потреби од железо (болести) преку лекови. За зголемена апсорпција на железото е потребно истовремено земање и на витамин Ц.
Зошто е потребно железото во човечкиот oрганизам (одобрени здравствени тврдења за железото од страна на Европската агенција за безбедност на храна):
- придонесува за нормален енергетски метаболизам
- ги намалува заморот и исцрпеноста
- обезбедува нормална функција на имунолошкиот систем
- обезбедува нормалнo формирање на црвените крвни клетки и хемоглобинот
- обезбедува нормален транспорт на кислород во телото
- обезбедува нормална когнитивна функција
- придонесува во процесот на делба на клетките
.svg){kind=icon}