Необични школи

Некои школи излегуваат од стандардните рамки, а најнеобични се школата за Дедо Мраз во Мичиген, школата за качување на дрвја во Орегон, школата за гладијатори во Рим, школата за самовили на Исланд и школата за повикување духови во Њујорк. Во школата за Дедо Мраз се учи историјата и традицијата на овој обичај, како и облекување, шминкање, медиумски настап и навики на ирвасите. Во школата за качување на дрвја се учи врзување јазли, безбедно спиење во висечки мрежи и качување. Во школата за гладијатори се учат основите на мечување и користење штитови. Во школата за самовили се учат видовите самовили, нивните живеалишта, облека и однесување. Во школата за повикување духови се изучуваат магија, хипноза, играње карти, жонглирање и друго.