Сетилото за мирис кај кучињата

Луѓето имаат околу пет милиони клетки за детекција на мирис, а кучињата дури 220 милиони, со тоа што делот од мозокот кој кај кучињата интерпретира мириси е четири пати поголем отколку кај луѓето. Поради тоа луѓето ги користат кучињата за откривање наркотици и оружје, во потрага по исчезнати луѓе, па дури и за откривање некои болести кај човекот. Инаку, кучето е едно од првите животни кое човекот го припитомил и тие живеат со луѓето повеќе од 14 000 години, разбираат околу 250 зборови и знаци, а расположението и намерите на кучињата најдобро се толкуваат според положбата на ушите и опашката.