СО ИСХРАНА ПРОТИВ ОСТЕОПОРОЗА

[vc_column width="1/1"]Весна Вујанац

Земање калциум во младоста значи појаки коски и помалку скршеници во староста, а идеално би било кога жените би ја дочекале менопаузата со коски со слична цврстина и јачина како во младоста, но во тоа време калциумот почнува да се губи од коските многу брзо...

Остеопорозата се карактеризира со губење на калциум во коските и намалување на густината на коските, поради што постои ризик од скршеници, кои можат да настанат поради полесни трауми, но и без повреди (спонтани скршеници), при што најзагрозени се прешлените на 'рбетот и бутната коска.

Ризик-факторите се честа употреба на алкохолни пијалаци, пушење, исхрана богата со белковини, претерано консумирање месо, шеќер, газирани пијалаци и рафинирани јаглехидрати. Претераното консумирање сол е штетно, зашто солта просто го „извлекува“ калциумот од организмот, како и кофеинот кој го подобрува излачувањето на калциумот. Се смета дека оној кој пие повеќе од четири шољи кафе дневно, три пати повеќе ризикува да го скрши колкот од лицето кое консумира малку или воопшто кофеин.

Научниците велат дека исхраната која долго била богата со белковини доведува до недостиг на калциум од причина што создавала големи
количини киселини во организмот, а некои истражувачи сметаат
дека токму тоа е причина за остеопороза. Совет за превенција е внесување помали количини намирници од животинско потекло, а поголеми количини од растително, како зеленчук со зелени листови, богат со витамин К. Се знае дека жените во постменопауза градат
полна заштита на коските доколку внесуваат од 900 мг до 1 000 мг калциум дневно. Витаминот К има способност да го активира протеинот остеокалцин кој го транспортира калциумот и го вградува во коските. Богат извор на калциум се брокулите, оревите, лешниците, бадемите...

За рамнотежа на калциумот важен е и магнезиумот, па секојдневно треба да се внесуваат минерали преку семки и јаткасто овошје. Една лажичка на ден свежо мелено семе од лен е богат извор на калциум, магнезиум и есенцијални маснотии. Млечните производи, особено полномасните сирења, имаат многу белковини и естрогенски хормони, па многу подобро е минералите да се внесуваат преку јаткасто овошје и семки.

Манган од ананас
Ананасот е исклучително богат со минералот манган, чиј недостиг, исто така, е битен за развој на остеопороза. Истражувањата покажале дека пациентките кои боледуваат од остеопороза имаат недостиг од манган за околу третина од нормалната количина, а кога консумираат
намирници богати со манган, овие лица го апсорбираат дупло повеќе
од здравите. Освен во ананасот, манганот го има и во јаткастите плодови, мешунки, овес, пченица, спанаќ.