Cili është kombinimi më i mirë për forcimin e imunitetit tek fëmijët?

Natasha Kondoska
Barnatorja “Menta farm”
Prilep

|



Sinbiotiku paraqet kombinim të një prebiotiku me një probiotik. Ky kombinim ndihmon në krijimin dhe ruajtjen e baraspeshës natyrore të mikroflorës së zorrëve dhe kontribuon në forcimin e aftësive mbrojtëse të organizmit.

Prebiotikët janë:

• Karbohidrate të patretshme me vlerë shumë të ulët të energjisë, rezistente ndaj veprimit të acidit të stomakut;


• “Ushqim” për bifidobakteret;


• Fruktooligosakaridet (FOS), galaktooligosakaridet (GOS), inulina, fibrat;

Në lidhje me imunitetin e zorrëve, zorrët janë organi më i madh i sistemit imunitar të njeriut, pasi 60 -70% e numrit të përgjithshëm të qelizave imune të organizmit janë të vendosura në muret e tyre. Mikroflora e zorrëve përbëhet nga një miliard baktere të dobishme që banojnë natyrshëm në zorrë. Ajo mbron organizmin duke ndërtuar një pengesë kundër baktereve të dëmshme, viruseve dhe kërpudhave që merren çdo ditë me ushqim, duarve të pista ose objekteve të kontaminuara dhe bashkëvepron me sistemin imunitar sa herë që trupi është i ekspozuar ndaj një agjenti të dëmshëm.

Për kë është i paraparë ky kombinim?

• Për foshnjat që janë me ushqim artificial


• Për fëmijët e moshës parashkollore dhe shkollore


• Me atopi të lindur, të prirur për alergji


• Me infeksione të shpeshta respiratore


• Të cilët shkojnë në kolektiv (çerdhe, shkollë)

Përfitimet e probiotikut së bashku me D₃

Për rritjen dhe zhvillimin normal të eshtrave, si dhe për funksionin e sistemit imunitar është mirë të përdoren në kombinim.

Pse kombinimi Probiotik + D₃ është më i miri?

• Tek foshnjat dhe fëmijët, sepse rreziku i mungesës së vitaminës D është më i madh


• Për dhëmbë dhe kocka të shëndetshme tek fëmijët


• Për punën normale të sistemit imunitar


• Për lehtësimin e çrregullimeve të tretjes

Për lexim të hollësishëm të këtij teksti, shihni f.8 të botimit elektronik të revistës BETTY (MAJ 2021).