Cili tip i lëkurës plaket më shpejt? Lëkura e yndyrshme apo e thatë?

Prof.Dr. Ivica Smilkovski
Profesor i trikologjisë klinike dhe akneologjisë
101 Skin Clinic

|



Jetojmë në një kohë kur bukuria fizike është më se e rëndësishme. Ajo bukuri e jashtme, jo vetëm që ndonjëherë na ndihmon të gjejmë më lehtë punë, të jemi më mbresëlënës, e thënë thjesht ta arrijmë qëllimin e dëshiruar, por na jep edhe vetëbesim dhe vetëvlerësim. Megjithatë, bukuria fizike nuk është e përhershme. Përkundrazi, lëkura si përfaqësuese e bukurisë fizike, kërkon kujdes, ushqyerje dhe vëmendje të vazhdueshme. Nëse filloni të kujdeseni siç duhet për lëkurën tuaj me kohë, ajo do të shkëlqejë edhe në dekadën e gjashtë dhe të shtatë të jetës.

“Kujdesuni për lëkurën tuaj. Ajo është veshja që do ta mbani çdo ditë deri sa të keni jetë”.

Tipi i lëkurës dhe shenjat e plakjes së lëkurës

Plakja e lëkurës zhvillon disa shenja:

• Hollimi i lëkurës


• Rrudha


• Njolla të diellit (njolla kafe pas ekspozimit në diell)


• Toni i pabarabartë i lëkurës


• Lëshimi i lëkurës

Shumë pak studime kanë analizuar se sa shpejt shfaqen këto shenja të plakjes në tipa të ndryshëm të lëkurës, nga të cilat vetëm tre studime e kanë analizuar në mënyrë thelbësore këtë çështje dhe me sa duket, të gjitha tregojnë se plakja e lëkurës së thatë është më e shpejtë se plakja e lëkurës së yndyrshme të prirur ndaj puçrrave.

Studimi # 1: Lëkura e thatë mund të hollohet më shpejt se lëkura e yndyrshme
Në këtë studim, studiuesit analizuan plakjen e lëkurës te 60 gra midis moshës 39 dhe 55 vjeç. Ata i ndanë gratë në dy grupe sipas tipit të lëkurës: grupi 1 për lëkurë të thatë ose normale dhe grupi 2 për lëkurë të yndyrshme. Shkencëtarët më pas bënë matje të ndryshme të lëkurës së grave në të dy grupet dhe i krahasuan ato.

Studiuesit gjetën disa dallime, por kur bëhet fjalë për plakjen, ndryshimi më i rëndësishëm është se gratë në grupin 1 kishin lëkurë më të hollë në krahasim me gratë në grupin 2. Siç u përmend më herët, rrallimi i lëkurës është një nga shenjat e plakjes së lëkurës. Me fjalë të tjera, gratë me lëkurë të thatë ose normale kishin lëkurë më të hollë dhe për shkak të kësaj, ndoshta edhe lëkurë me pamje më të vjetër se gratë me lëkurë të yndyrshme.

Ky është një lajm i mirë për njerëzit e prirur ndaj puçrrave, lëkura e të cilëve priret të jetë e yndyrshme. Këto rezultate sugjerojnë se lëkura e prirur ndaj puçrrave mund të hollohet më ngadalë dhe kështu të duket rinore për një kohë të gjatë, ndryshe nga lëkura e thatë.

Nga ana tjetër, studiuesit nuk gjetën ndonjë ndryshim në rrudha midis dy grupeve, përkatësish, kur bëhet fjalë për rrudhat, te njerëzit me lëkurë të thatë/normale dhe te njerëzit me lëkurë të yndyrshme këto shenja të plakjes zhvillohen me pothuajse të njëjtin ritëm.

Studimi # 2: Lëkura e thatë mund të zhvillojë rrudha më të thella se lëkura e yndyrshme
Në këtë studim, studiuesit donin të shihnin nëse shumica e gjëndrave dhjamore në lëkurë (gjëndra që prodhojnë sebum) ngadalësojnë zhvillimin e rrudhave. Nëse po, kjo do të sugjeronte që lëkura e thatë duhet të zhvillojë rrudha më shpejt se lëkura e yndyrshme. Për t'iu përgjigjur kësaj pyetjeje, shkencëtarët analizuan mostrat e lëkurës nga burrat dhe gratë që kishin vdekur në mosha të ndryshme, nga njëzet deri në nëntëdhjetë vjeç.

Studiuesit matën numrin e gjëndrave dhjamore në lëkurën e mostrave të marra dhe gjithashtu shikuan thellësinë e rrudhave në lëkurë. Ata zbuluan se njerëzit që kanë më shumë gjëndra dhjamore në lëkurën e ballit, kanë vetëm rrudha të cekëta. Me fjalë të tjera, sebumi nga lëkura duket se mbron lëkurën në ballë nga rrudhat.

Këto gjetje sugjerojnë se lëkura e thatë, e cila prodhon më pak yndyrë (sebum) në lëkurë, mund të zhvillojë rrudha më të thella më shpejt dhe kështu të plaket më shpejt se lëkura e yndyrshme.

Studimi # 3: Lëkura pa puçrra mund të plaket më shpejt se lëkura e prirur ndaj puçrrave
Në këtë studim, studiuesit donin të shihnin nëse puçrrat te të rinjtë mund të përshpejtojnë ose të ngadalësojnë plakjen e lëkurës më vonë në jetë. Çuditërisht, ata zbuluan se njerëzit që nuk kishin pasur kurrë puçrra mund të shfaqin shenja të plakjes së lëkurës më shpejt se ata që kishin pasur puçrra. Me fjalë të tjera, zhvillimi i puçrrave mund të ngadalësojë plakjen e lëkurës!

Së pari, studiuesit ekzaminuan motra binjake që kishin vuajtur nga puçrrat. Më pas analizuan mostrat e gjakut dhe të lëkurës nga gratë dhe kryen teste gjenetike për të kërkuar shenja të plakjes së lëkurës në nivel qelizor. Ata zbuluan se gratë që nuk kishin puçrra kishin dy tipare gjenetike që e bën lëkurën e tyre të plaket më shpejt në krahasim me gratë që vuanin nga puçrrat.

Ky studim është shumë interesant. Por lë shumë pyetje pa përgjigje. Si e mbrojnë puçrrat lëkurën nga plakja? Apo është thjesht një rastësi që njerëzit që vuajnë nga puçrrat plaken më ngadalë?

Për më tepër, studimi nuk është i përsosur. Kufizimi i parë është se studiuesit mbështeteshin vetëm në përgjigjen e pyetësorit të pjesëmarrësve se a kishin pasur puçrra në rininë e tyre ose jo. Me fjalë të tjera, shkencëtarët nuk e kishin konfirmuar informacionin duke kontrolluar të dhënat mjekësore të pjesëmarrësve. Kjo lë vend për gabime. Një kufizim i dytë është se studimi analizonte vetëm subjektet femra dhe nuk e dimë nëse rezultatet vlejnë edhe për meshkujt.

Së bashku, rezultatet e këtyre tre studimeve nënkuptojnë se lëkura e thatë dhe pa puçrra mund të plaket më shpejt se lëkura e yndyrshme dhe e prirur ndaj puçrrave. Megjithatë, këto gjetje janë paraprake. Na duhen më shumë studime përpara se të mund të nxjerrim përfundime të forta nëse dhe në çfarë mase plakja lidhet me tipa të ndryshëm të lëkurës.

Analiza komplekse e lëkurës 360 - diagnostikimi bashkëkohor kompjuterik i lëkurës
Ndonjëherë pjesa më e vështirë e gjetjes së trajtimit të duhur për lëkurën tuaj është përcaktimi i problemit. Ndërsa disa probleme kozmetike janë të lehta për t'u identifikuar, të tjerat mund të jenë më të rënda. Prandaj është shumë e dobishme të merret një analizë e plotë komplekse e lëkurës. Analiza komplekse e lëkurës 360 jo vetëm që mund të përcaktojë se cilat defekte estetike mund të jenë të pranishme në lëkurën tuaj, por gjithashtu mund të përcaktojë trajtimin më adekuat si dhe rrjedhën e duhur të trajtimit.

Çfarë është një analizë komplekse e lëkurës 360?
Analiza komplekse e lëkurës 360 është një mënyrë joinvazive për të përcaktuar të gjitha papërsosmëritë e lëkurës që nuk janë të dukshme me sy të lirë, që do të thotë papërsosmëri që ndodhen në shtresat e thella të lëkurës. Është një pajisje e veçantë diagnostikuese me ndihmën e së cilës, përmes filtrave dhe çipave të veçantë të integruar në kombinim me softuerin e integruar, mund të mbledhë dhe zbulojë pothuajse të gjitha defektet kozmetike dhe estetike, duke përfshirë, por pa u kufizuar në, hiperpigmentimin, puçrrat, shenjat e puçrrave, rrudhat, dëmtimet nga dielli, rosacean, poret e zmadhuara, teksturën e pabarabartë, porfirinat, njollat kafe dhe parregullsi të tjera të lëkurës. Dhe jo vetëm në sipërfaqen e saj, por edhe në thellësi, madje deri në shtresën më të ulët të lëkurës, hipodermën, e cila është e padukshme për syrin e njeriut.

Cilat janë përfitimet e analizës komplekse të lëkurës 360?
Sot ka aq shumë lloje produktesh dhe trajtimesh për kujdesin e lëkurës, saqë është e vështirë të vendosësh se cili është më i miri dhe më i përshtatshmi për nevojat e lëkurës suaj. Në vend që të hamendësoni, të provoni dhe madje të bëni gabime, është më mirë të jeni në gjendje të përcaktoni paraprakisht zgjidhjen e duhur për ju. Duke krijuar një profil të detajuar dhe të plotë të tipareve të fytyrës suaj, ju, së bashku me ndihmën e mjekëve tanë specialistë, mund të diskutoni një kurs të plotë trajtimesh të krijuara posaçërisht për të arritur qëllimet tuaja estetike.

I gjithë procesi është i shpejtë dhe i lehtë. Sistemi kompleks i analizës së lëkurës funksionon shpejt, duke ju lejuar të merrni informacionin që kërkoni më shpejt se kurrë. Analiza është tërësisht joinvazive, gjë që e bën atë më të sigurt se format e tjera të analizës.

Plani individual i trajtimit
Bazuar në analizën komplekse 360 të lëkurës dhe rezultatet e marra, krijohet një udhëzues më i lehtë dhe më profesional, i cili përfshin një sërë trajtimesh dhe opsionesh për korrigjimin dhe heqjen e të gjitha zonave problematike të lëkurës.

Analiza komplekse e lëkurës 360 jo vetëm që ofron opsione trajtimi dhe kujdesi që do të ishin më të përshtatshme për lëkurën tuaj, por gjithashtu monitoron përparimin e trajtimit. Në këtë mënyrë, përveç efektit pamor që është i dukshëm me sy të lirë, do të mund të ndiqni korrigjimet dhe ndryshimet në shtresat e poshtme të lëkurës që nuk shihen me sy të lirë.

Për lexim të hollësishëm të këtij teksti, shihni f.22-23 të botimit elektronik të revistës BETTY (DHJETOR 2021).