Sa na nevojiten vitaminat dhe mineralet këtë dimër?

Dr. Sevdali Neziri
IPSH Spitali i Përgjithshëm “Dr. Ferid Murad” Gostivar
Specialist i pneumologjisë dhe alergologjisë respiratore

|



Vitaminat dhe mineralet janë shumë të rëndësishme për ruajtjen e një ekuilibri të mirë në trup dhe përmirësimin e shëndetit. Në jetën e sotme me ritme të shpejta dhe stres, me mungesë stërvitjeje dhe dietë të pabalancuar, trupi kërkon ndihmë për të funksionuar me kapacitet të plotë, të cilën mund t'ia ofrojmë vazhdimisht. Ushqimi që hamë është aq i përpunuar saqë na lejon të konsumojmë vetëm një sasi të kufizuar mineralesh dhe vitaminash, ndaj është e rëndësishme të marrim shtesa dietike.

Kompleksi i vitaminave dhe mineraleve është një kombinim unik dhe i ekuilibruar i mineraleve (selen dhe zink) i pasuruar me vitamina A, C, E. Të gjitha vitaminat dhe mineralet në përbërjen e tyre kanë efekte antioksiduese që mbrojnë trupin e njeriut nga ndikimi negativ i radikaleve të lira. Përveç kësaj, ndihmojnë në ruajtjen e flokëve, lëkurës dhe thonjve normalë.

Nëse jeni të ekspozuar ndaj punës së rëndë fizike dhe rrezatimit jonizues, rreziteni për një kohë të gjatë, qëndroni më gjatë në dhoma me shumë tym cigareje, konsumoni dietë të njëllojshme, konsumoni alkool, jeni duhanpirës i rëndë, rrini në vende me shumë tymra shkarkimi apo sëmureni, do të thotë se keni ofruar kushtet e përshtatshme për krijimin e radikaleve të lira në trup.

Radikalet e lira prodhohen në trup gjatë reaksioneve biokimike oksido-reduktuese në të cilat merr pjesë oksigjeni. Radikalet e lira reagojnë me lipidet e pangopura të membranës qelizore. Radikalet në formën e endoperoksidit citotoksik dëmtojnë membranën qelizore dhe shkaktojnë çrregullime të rënda ishemike. Ato shfaqen dhe veprojnë në inde dhe organe të ndryshme, kur është i pranishëm ndonjë inflamacion, kur gëlltiten disa barna ose kur jemi të ekspozuar ndaj rrezatimit jonizues.

Radikalet e lira prishin strukturën e indeve të shëndetshme dhe janë një nga fajtorët kryesorë për plakjen e parakohshme, ndërsa kur numri i tyre rritet, neutralizojnë kapacitetin e një organizmi të shëndetshëm, duke rezultuar në të ashtuquajturin "stres oksidativ", i cili rrit gjasat për sëmundje të ndryshme, si sëmundjet kardiovaskulare, sëmundjet imunitare, diabeti, sëmundjet malinje, kataraktet, Alzheimeri, sëmundja e Parkinsonit e të tjera.

Lufta për të balancuar dhe shkatërruar radikalet e lira u përket vitaminave A, C dhe E, të shoqëruara nga seleni, si antioksidantët më të fuqishëm. Seleni luan një rol të rëndësishëm në shëndetin e sistemit tuaj imunitar. Ky antioksidant ndihmon në uljen e stresit oksidativ në trup, i cili redukton inflamacionin dhe përmirëson imunitetin. Studimet kanë treguar se nivelet e rritura të selenit në gjak shoqërohen me një përgjigje të përmirësuar imunologjike.

Për veprim efektiv kundër radikaleve të lira, një zgjidhje e provuar është antioksidanti i fuqishëm seleni në kombinim me zinkun dhe vitaminat A, C dhe E, një produkt i sigurt dhe i provuar që ndihmon në neutralizimin e efekteve të dëmshme të tyre, zvogëlon rrezikun e sëmundjeve malinje, duke stimuluar trupin gjatë aktiviteteve të shtuara psikofizike, si dhe në parandalimin e përditshëm me qëllim përmirësimin e shëndetit të përgjithshëm.

Kompleksi i vitaminave dhe mineraleve (selen, zink dhe A, C, E) ofron një kombinim të krijuar posaçërisht për të mbështetur trupin tuaj gjatë gjithë vitit.

Për lexim të hollësishëm të këtij teksti, shihni f.16 të botimit elektronik të revistës BETTY (SHKURT 2022).