Срцето во стариот Египет

Во стариот Египет срцето се сметало за центар на интелигенцијата, сеќавањата и на сè она што го сочинува човековото „јас“. Поради тоа египетските фараони ги погребувале во гробници без мозок, кој го отстранувале, бидејќи се сметал  за не премногу важен орган, а срцето се чувало. За Египќаните во човечкото срце бил центарот на свеста, знаењето, мудроста и сеќавањата на вечност. Се сметало дека срцето управува со целото човеково постоење. И во стара Грција не се придавало големо значење на мозокот, а грчкиот филозоф Аристотел сметал дека улогата на мозокот е само да ја „лади крвта“.