Водени невести

Сушата и недостигот од вода во Индија се огромен проблем, кои секоја година одземаат многубројни човечки животи. Решение на овој проблем мажите од некои индиски села наоѓаат во ширење на семејството и нови женидби, иако веќе се женети со две или три жени. Тие се женат со т.н. „водени невести“, чија задача е да обезбедат вода за целото семејство. „Водените невести“ најчесто се вдовици или самохрани мајки. Тие секој ден пешачат до оддалечените бунари по неверојатни жештини, таму чекаат со часови на ред да земат вода и тогаш ја носат дома, што е нивна брачна задача.