Загрозени мршојадци

Од 22 вида птици мршојадци, колку ги има во светот, сите се загрозени, а 9 се во критична состојба. На сè помалиот број мршојадци и на нивниот опстанок влијае нивната бавна репродукција, специфичната исхрана со мртви животни и труење од страна на човекот. Мршојадците се хранат во група, па бројот на убиени од некое затруено животно е секогаш голем, како, на пример, кога во една прилика ловокрадците убиле слон заради слонова коска, а телото го посипале со отров, загинале повеќе од 500 мршојадци. Денес во Африка има 97 насто помалку мршојадци отколку пред половина век. Биолозите велат дека изумирањето би имало многубројни негативни последици, бидејќи животната средина ја прават почиста и поздрава, како и дека е поедноставно и поекономично да се заштитат, отколку кога ќе се доведат до праг на изумирање, нивниот број да се зголемува.